Foto: REUTERS

AQŞ-tıñ Memlekettik hatşısı Mayk Pompeo habarlağanday, Uaşington NATO-men birlesip Reseyge jaña sankciyalar engizedi. Onıñ aytuınşa, sankciyalar Reseydiñ Ukrainadağı belsendiligine qarsı bağıttaladı.

«Kelesi aptada birge qabıldanatın qatañ qaulılardıñ  jaña seriyası jariyalanadı», – dedi Pompeo AQŞ ökilderi palatasınıñ Halıqaralıq ister jönindegi komitetinde ötken kezdesude. Sonday-aq, memlekettik hatşı zañ şığaruşılarğa Aq üy wsınğan 2020 jılğa arnalğan byudjetke qatıstı AQŞ-tıñ sırtqı sayasi strategiyasın tanıstırdı.

AQŞ NATO-dağı äriptestermen birge Uaşingtonda 3-4 säuirde ötetin al'yans elderiniñ sırtqı sayasi vedomstvoları basşılarınıñ sammiti kezinde Reseydiñ Ukrainadağı is-äreketterine qarsı salınatın sankciyanı qabıldamaq. Pompeonıñ aytuınşa, sankciyalardıñ maqsatı Reseydiñ Qırım men Azov teñizindegi «agressorlıq sayasatına» jäne basqa memleketterdiñ prezidenttik saylauına aralasqanı üşin qoldanıladı.

15 naurızda AQŞ, Kanada jäne Euroodaq 2018 jıldıñ qaraşasında bolğan Kerş bwğazındağı oqiğadan keyin, sonday-aq Qırım anneksiyasınıñ besinşi jıldığına baylanıstı Reseyge qarsı jaña şekteuler engizgen bolatın.

«Ukrainadağı reseylik agressiyağa» jauap retinde Uaşington sankciyalıq tizimge altı adamdı qostı: olardıñ köpşiligi FSB Şekara qızmetiniñ qızmetkerleri. Tağı da segiz kompaniya bar. Resey 2016 jılı AQŞ-tağı saylauğa aralastı. Endi Ukrainada ötetin saylauğa aralasuı mümkin. Bizdiñ tarap Ukrainadan kömekti ayamaymız. Jalpı ukrain halqına qorğanıs qwraldarın wsınıp, barlau kömegin körsetemiz», – dep mälimdedi AQŞ Memlekettik hatşısı. Osığan deyin AQŞ-tıñ Wlttıq barlau direktorı Den Kouts Ukrainadağı saylauğa Reseydiñ ne üşin jäne qalay aralasuı mümkin ekendigin aytqan.

"The Qazaq Times"