Foto: https://www.inform.kz

Qazaqstannıñ key aymaqtarında qızılşa auruı beleñ alıp keledi. Soñğı üş ayda Jambıl oblısında qızılşa auruın jwqtırğandar sanı üş esege artqan.

Mälimetter boyınşa, auırğandardıñ deni ekpe aludan bas tartqandar men vakcina alu jasına jetpegen balalar. Büginge deyin ekpe alğanı turalı eşbir mälimet joq 691 adamğa ekpe jasalğan. Jıl basında 1 jasqa deyingi jäne 6 jastağı tağı 3 mıñğa tarta balağa qızılşağa qarsı ekpe salınğan. Mälimetter boyınşa, aqpanda Jambıl oblısı boyınşa osı auruğa qırıq adam şaldıqsa, qazir olardıñ sanı jüz otızğa juıq. Olardıñ 100-ge juığı bala.
Qazirgi uaqıtta epidemiyağa qarsı şaralar qarqın alıp, täulik sayın monitoring jasalıp jatır.

Jalpı alğanda Qazaqstanda qızılşamen auırğandardıñ sanı köbeygeni turalı aqparat 2018 jıldıñ soñına qaray aytıla bastadı. Derekter boyınşa, 22 qañtarğa deyin 700 adam tirkelgen. Olardıñ köbi - Astanada. Odan keyin Şımkent qalası men Türkistan, Atırau, Aqmola oblıstarı twr.

Qañtardıñ basında AQŞ-tıñ aurudı baqılau jäne profilaktika ortalığı Qazaqstanda «qızılşanıñ taraluına» baylanıstı eskertu jariyalağan bolatın. Eskertude «Qazaqstanğa sayahattap baruşılar qızılşağa qarsı ekpe alğanına közin jetkizui kerek» dep jazılğan. Al ekpe almağandarğa mamandar arnayı vakcina saldıruğa keñes bergen. Ortalıq eskertudi eñ tömengi «jasıl deñgeyli» dep körsetip, qarapayım saqtıq şarası ekenin aytqan.

"The Qazaq Times"