Foto: bbc.com

Amerikanıñ 45-şi prezidenti Donald Tramp qızmetine kirisken kezinde-aq AQŞ pen Meksika arasında qorğan twrğızatının  jetkizgen bolatın. Endi Tramp Meksika şekarasındağı qwrılıs jwmıstarın jospardan bwrın bastauğa bwyrıq berdi. Bwl turalı BBC agenttigi habarlaydı.

«Biz qorğan twrğızamız jäne onı merziminen bwrın, jaqın arada bastap ta ketemiz», – deydi AQŞ prezidenti jwma küni bolğan konservativti sayasi is-şaralar konferenciyasında.

Agenttiktiñ habarlauınşa, Tramp  «qaşan da amerikalıqtardıñ birinşi orında twratındığın» jäne «eldegi jaman adamdardı quğınğa wşıratatındığın» aytqan.

Eki el arasındağı qabırğa Meksikadan AQŞ-qa kiretin zañsız immigranttar ağının toqtatuğa bağıttalğan.  Tramp atalmış qwrılıstıñ narkomafiyağa tosqauıl bolatındığına senimdi.

Aq üy basşısı bwl qorğan üşin amerikalıqtar bir tiın da tölemeytindigin, barlıq qarajattı meksikandıqtar öz moynına alatındığın jetkizdi.

AQŞ İİM-niñ mälimetine süyensek qwrılıstıñ qwnı $21,6 mlrd AQŞ dolları.

«The Qazaq Times»