AQŞ prezidenti Donal'd Tramp elin "älemniñ eñ üzdigi" boluı üşin, yadrolıq arsenaldı keñeytkisi keletinin mälimdedi. Beysenbi küni Reuters aqparattıq agenttigine bergen swhbatında Tramp Qwrama Ştattardıñ yadrolıq quatı tüsip ketkenin aytqan. Bwl turalı "Ortalıq Aziya habar qızmeti" habarlap otır.
Qwrama Ştattar men Resey arasındağı SNV-3 dep atalatın strategiyalıq şabuıldauşı qarudı on jılğa qısqartu jönindegi jaña kelisimde, kelesi jıldıñ aqpan ayınan bastap yadrolıq äleuetterin qısqartu közdelgen.
Tramp SNV-3 kelisimin birjaqtı jasalğan dep atadı. «Bwl bizdiñ eldiñ bekitken kezekti naşar mämilesi. SNV bolsın, Iranmen yadrolıq kelisim bolsın... Biz jaqsı mämile jasauğa tırısamız», - dedi Tramp.
Tramp osınıñ aldında 2015 jıldıñ şilde ayında älemdik derjava men Iran arasındağı "Tegeran yadrolıq bağdarlamanı şektegen jağdayda, Iranğa sankciya alınatını" jönindegi jasalğan kelisimdi birneşe ret sınağan. Amerika prezidenti swhbatında Mäskeudiñ öz aymağında ballistikalıq zımıran ornatqanın, mwnıñ 1987 jılğı kelisimge qayşı keletinin atap ötken.
«Men üşin bwl mañızdı kelisim»,- dedi Tramp. Ol eger Resey prezidenti Vladimir Putinmen kezdesetin bolsa, bwl mäseleni mindetti türe talqılaytının jetkizdi.
«The Qazaq Times»
Kiberşabuılğa wşırağan BAQ ökilderi qwqıq qorğau organdarına arız tüsirdi
Ortalıq Aziya: tarihi, sayasi jäne ekonomikalıq müddeler ayasında
Qırğızstanda täuelsiz Kloop basılımınıñ qırğız tilindegi saytı bwğattaldı
Reseydiñ Doneck oblısı Konstantinovka qalasındağı bazarğa şabuılınan 16 adam qaza taptı
Sadır Japarov Istıqköldegi tört pansionattı Özbekstanğa beru sebebin tüsindirdi
Pigojinniñ «Vagner» tobı Mäskeu tübine kelip şeginip ketti