ترامپ اقش-تىڭ يادرولىق قارۋىن كۇشەيىتكىسى كەلەتىنىن مالىمدەدى

اقش پرەزيدەنتى دونالد ترامپ ەلىن "ءالەمنىڭ ەڭ ءۇزدىگى" بولۋى ءۇءشىن، يادرولىق ارسەنالدى كەڭەيتكىسى كەلەتىنىن مءالىمدەدى. بەيسەنبى كءۇءنى Reuters اقپاراتتىق اگەنتتىگىنە بەرگەن سۇحباتىندا ترامپ قۇراما شتاتتاردىڭ يادرولىق قۋاتى تءۇءسىپ كەتكەنىن ايتقان. بۇل تۋرالى "ورتالىق ازيا حابار قىزمەتى" حابارلاپ وتىر.  

قۇراما شتاتتار مەن رەسەي اراسىنداعى سنۆ-3 دەپ اتالاتىن ستراتەگيالىق شابۋىلداۋشى قارۋدى ون جىلعا قىسقارتۋ جونىندەگى جاڭا كەلىسىمدە، كەلەسى جىلدىڭ اقپان ايىنان باستاپ يادرولىق الەۋەتتەرىن قىسقارتۋ كوزدەلگەن.

ترامپ سنۆ-3 كەلىسىمىن بىرجاقتى جاسالعان دەپ اتادى. «بۇل ءبىزدىڭ ەلدىڭ بەكىتكەن كەزەكتى ناشار مامىلەسى. سنۆ بولسىن، يرانمەن يادرولىق كەلىسىم بولسىن... ءبىز جاقسى مامىلە جاساۋعا تىرىسامىز»، - دەدى ترامپ.

ترامپ وسىنىڭ الدىندا 2015 جىلدىڭ شىلدە ايىندا الەمدىك دەرجاۆا مەن يران اراسىنداعى "تەگەران يادرولىق باعدارلامانى شەكتەگەن جاعدايدا، يرانعا سانكتسيا الىناتىنى" جونىندەگى جاسالعان كەلىسىمدى بىرنەشە رەت سىناعان. امەريكا پرەزيدەنتى سۇحباتىندا ماسكەۋدىڭ ءوز ايماعىندا بالليستيكالىق زىمىران ورناتقانىن، مۇنىڭ 1987 جىلعى كەلىسىمگە قايشى كەلەتىنىن اتاپ وتكەن.

«مەن ءۇشىن بۇل ماڭىزدى كەلىسىم»،- دەدى ترامپ. ول ەگەر رەسەي پرەزيدەنتى ۆلاديمير پۋتينمەن كەزدەسەتىن بولسا، بۇل ماسەلەنى مىندەتتى تۇرە  تالقىلايتىنىن جەتكىزدى.

«The Qazaq Times»