Foto: Azattıq

Europadağı qauipsizdik jäne ıntımaqtastıq wyımınıñ (EQIW) ökili BAQ erkindigi mäseleleri boyınşa ökili Arlem Dezir narazılıq şaralarınan habar taratqan jurnalisterdiñ wstaluına alañdaytının jetkizdi. Bwl turalı Ortalıq Aziya jañalıqtar qızmeti.

«Käsibi mindetterin orındau barısında jurnalister, blogerlerdiñ jwmıstarın atqaruğa kedergi jasap, olardıñ wstaluına alañdaymın. Qoğamğa äleumettik narazılıq mäselelerin jetkizu jurnalisterdiñ bastı röli, olar qızmetterin atqaru barısında jazalanuğa tiisti emes», - dep atap ötti Arlem Dezir.

EQIW ökili mälimdemesinde 27 aqpanda Jañaözende Azattıq tilşisi Säniya Toyken men videooperator Sanat Nwrbektiñ wstalğanı aytılğan. Olardı policiya altı sağat boyı wstap, bosatqan. Sol küni Almatıda bloger Ashat Bersalimov, Oralda Asqar Şayğwmarov wstaldı.

Dezir mälimdemesinde Qazaqstanda soñğı uaqıtta jurnalister men blogerlerdi wstau oqiğaları jiilep ketkenin aytıp, alañdauşılığın jetkizdi. Ol qwqıq qorğau organdarı jurnalisterdiñ käsibi qızmetine kedergi keltirmeui kerek dep esepteydi.

"The Qazaq Times"