Elbası Nwrswltan Nazarbaev. foto: BNews.kz

Elbası Nwrswltan Nazarbaev äkimderdiñ jwmısına qanağattanbaytındığın aytıp, olardı halıqqa jaqın boluğa şaqırdı. Sol sekildi populizmnen alıs boluı kerek ekendigin eskertti.

"Bizde aymaqtardıñ damuınıñ ayırmaşılığı körinip twr. Nelikten bir oblıstarda joldıñ sapası basqa oblıstardan jaqsı? Nelikten twrğın üy-kommunaldıq şaruaşılığı bir jerlerde twraqtı jwmıs isteydi, al keybiri twraqsız? Osığan oray keybir äkimder şınımen jwmıs istep, halıqtıñ mäselelerin şeşedi, basqaları olarmen söylesuden qaşıp, adamdardıñ talap-tilekterine qwlaq aspaydı. Äkimderge halıqqa jaqın bolu kerek jäne olardıñ hal-ahualın jaqsartuı tiis", - dedi Nazarbaev "Nwr Otan" partiyasınıñ XVIII s'ezinde.

Sonday-aq, jıl sayın halıq aldında bir ret esep beretin äkimderdiñ isin, közge körinu üşin istelip jatqan dünie sekildi ekendigin ayttı. Bwdan bölek, aymaqtağı twrğındarmen kezdesip, ärbir twrğınnıñ mwñ-mwqtajdığın tıñdau üşin bir jıl kütudiñ qajeti joq ekendigin de mälimdegen. Sol sekildi halıqqa jasalğan ärtürli jobalarğa qarjınıñ bölinip jatqandığın aytıp, biraq, köpşilik mwnıñ nätijesin körmey jürgendigin qozğadı.

"Bizde ükimet müşeleri auıstı. Olardıñ 70 payızı jañardı. Oblıstar jaylı jaña ükimet müşelerine swraqtar tuındap jatır. Äkimderge aytılğan tapsırmalardı iske asıru kerek. Aytılğan mäselelerdi barlığımız bir auızdan şeşuimiz qajet. Bwl oñay jwmıs emes. Biraq bwl tapsırmalar oblıs, qala, auıl aymaqtarğa arnalğan. Küşimizdi biriktirip tapsırmanı orındauğa kirissek, bizde qiındıqtar bolmaydı. Äkimder osıdan basqa qanday istermen aynalısuı kerek?", - degen Nwrswltan Nazarbaev ärbir oblıstıñ damuı tiis ekendigin ayttı.

Alayda, qarapayım twrğındar jaña kelgen ükimetten de qattı bir jañalıq kütpeytindigin alğa tartuda. Sebebi, bwğan deyin de birneşe ret özgergen bilik ökilderi özderiniñ mardımdı jwmısımen erekşelene qoymağan.

Sonımen qatar, äkimderdiñ esigi halıq üşin ayqara aşıq bolatındığına da kümän tudırıp otır. Öytkeni, halıqtıñ zañdı talaptarı köp jağdaylarda tıñdalmay keledi. Endi Elbasınıñ sözi bilik ökilderine qanşalıqtı äser etetindigi bolaşaqtıñ enşisinde. Biraq, qarapayım twrğındar olardıñ tıñğılıqtı ister atqaratındığına senuden qalğan...

"The Qazaq Tımes"