Foto: Sputnik International

22 aqpan küni, Resey qorğanıs ministri Sergey Şoygu öz mälimdemesinde Reseydiñ osı jıldıñ işinde Kuril araldarına äskeri bazaların ornalastırudı josparlap otırğanın bildirdi. Bwl araldardı japondıqtardıñ Soltüstik tört aral jäne Kril' araldarı dep ataydı. Resey qorğanıs ministriniñ habarlauınan belgili bolğan bwl äskeri bölim, Reseydiñ jañadan qwrılğan 4 äskeri böliminiñ biri bolıp otır.

Bwl turalı Sergey Şoygudıñ TASS aqparattıq agenttigi jäne BAQ Memlekettik dumasında (Tömengi palatasında) jasağan bayandamasında belgili boldı. Bwl turalı TASS agenttigine silteme jasay otırıp Chinanews.com habarlaydı.

Kuril aralı, (Soltüstik tört aral) Foto: Worldbulletin

Özgelerdiñ nazarın audartıp otırğanı – bwl äskeri bölimniñ naqtı jay-japsarı anıq emestigi. Alayda, Tört soltüstik aralğa ornalastıratının boljauğa boladı.  Resey jaq sol arqılı tört araldıñ äskeri qauipsizdigin nığaytudı közdep otır. Ötken jıldıñ jeltoqsan ayında ötken orıs-japon kelissözderi tanım birligine kelip, Resey men Japoniya Soltüstik tört aralda ortaq ekonomikalıq qadamdar jasau kelisilgen. Alayda, Şoygudıñ mälimdemesinen Resey jaqtıñ äli de bolsa Soltüstik tört araldıñ äskeri qorğanısın nığaytuğa ıntalı ekenin körsetip berdi.

Japoniyadağı Resey bas elşisi ötken aydıñ 22 jañasında ötken, wzaq ta dübirli baspasöz mäslihatında «Bwl Reseydiñ Soltüstik tört araldağı müddesine say kelmeydi» degen bolatın. Bwl sözi onıñ Resey-Japoniya kelisimi men reseylik wstanımğa qayşı dep tanılğan edi. Eki ükimet Kril' araldarına ortaq ekonomikalıq äreket jasauğa älde qaşan kelisken. Soğan say 18-20 naurız aralığında Tokioda eki el ministrlikteriniñ keñeytilgen otırısı ötui de josparlanğan. Resey qarulı küşteriniñ Kril' araldarında bir jaqtı äskeri küşti nığaytuı, aldağı kelissözdiñ deñgeyine äser etedi dep kütilude.

Japoniya Reseydiñ bwl qadamına qarsı. Kelisimderdi elemesten Soltüstik tört aralğa äskeri bazaların ornalastıru japon müddesine say kelmeytinin ayttı. Japoniya Ekinşi dünie soğısında Keñes odağınıñ enşisine ketken araldarın qaytarıp aluğa ümitker. Al Resey qarulı küşteriniñ äreketi atalğan araldarda barğan sayın belsendilik tanıtıp keledi. Eki el jasasqan ortaq ekonomikalıq jandandıru kelisimderi iske asuı ekitalay. Naurızda bolatın kelisimde japondar batıl türde Keñes kezinde ketken araldarın qaytarıp berudi de talap etui mümkin.

Resey äldeqaşan iske kirisip ketti. Eki aralğa 18-şi artilleriyalıq diviziyasın jayğastırdı. Äskerler ornalasatın bölimşelerdiñ şart-jağdayı aytarlıqtay jaqsartılmaq. Reseydiñ bwl qadamı Ohot teñizindegi su astı barlau jäne äskeri qızmetti qoldau maqsatında, tört araldı qorğanıs tirek punkti etpek. Soğan say äskeri qorğanıs bazasın jañartıp otır. Kuril top araldarı eki el ortasındağı ıntımaqtastıqqa aytarlıqtay salqındıq alıp kelude. Tokio biligi bwl araldardıñ ielik qwqığı şeşilmeyinşe kelisimderge qol qoyudan bas tartuğa dayın otır. Bwl da osı jıldağı Şığıs Aziya qayşılığınıñ biri bolıp qosılmaq. Aynalasın müyizdeuge qwmar Putin biliginiñ közdegen maqsatı bwl ğasırda jüzege asuı ekitalay.

“The Qazaq Times”