Photo: Asia Plus

Täjikstanda sim-kartağa baylanıstı talaptar özgerdi, bwdan bılay är täjik azamatı sim-kartasın kameranıñ baqılauımen jaña ülgidegi pasportına tirketui tiis.

Sonday-aq, ükimettiñ «Telekommunikaciya jelilerine qosılu jäne olarmen baylanıstı qızmetterdi wsınu tärtibi men talaptarı turalı» zañğa tüzetuler engizuine baylanıstı, Täjikstan azamattarı eki sim-kartadan artıq karta paydalana almaydı.

Sonımen birge,  jauaptı twlğalar SIM-karta satumen aynalısatın ärbir nüktege baqılau kameraları ornatuları kerek.  Operatorlar altı aydan  astam uaqıt boyı  qoldanılmağan sim-kartalardı öşirui tiis. Sonday-aq, jauaptı mamandar sim-karta satıp alğan azamattıñ qwjattarın elektrondı türde saqtauğa tiis.

Al 16 jastan bastap kämeletke tolmağan azamattar  ata-anasınıñ ne qorğauşısınıñ jazbaşa kelisimi arqılı sim-karta satıp ala aladı.

Jalpı, qazaqstandıqtar da 2019 jıldıñ 1 qañtarına deyin wyalı telefondarı men planşetterin tirkegen edi. Ol Aqparat jäne kommunikaciya ministrliginiñ jarlığına säykes, wyalı telefondarınıñ IMEI-kodın JSN nemese BSN nomerine tirketui tiis bolğan.

"The Qazaq Times"