Photo: Asia Plus

Тәжікстанда сим-картаға байланысты талаптар өзгерді, бұдан былай әр тәжік азаматы сим-картасын камераның бақылауымен жаңа үлгідегі паспортына тіркетуі тиіс.

Сондай-ақ, үкіметтің «Телекоммуникация желілеріне қосылу және олармен байланысты қызметтерді ұсыну тәртібі мен талаптары туралы» заңға түзетулер енгізуіне байланысты, Тәжікстан азаматтары екі сим-картадан артық карта пайдалана алмайды.

Сонымен бірге,  жауапты тұлғалар SIM-карта сатумен айналысатын әрбір нүктеге бақылау камералары орнатулары керек.  Операторлар алты айдан  астам уақыт бойы  қолданылмаған сим-карталарды өшіруі тиіс. Сондай-ақ, жауапты мамандар сим-карта сатып алған азаматтың құжаттарын электронды түрде сақтауға тиіс.

Ал 16 жастан бастап кәмелетке толмаған азаматтар  ата-анасының не қорғаушысының жазбаша келісімі арқылы сим-карта сатып ала алады.

Жалпы, қазақстандықтар да 2019 жылдың 1 қаңтарына дейін ұялы телефондары мен планшеттерін тіркеген еді. Ол Ақпарат және коммуникация министрлігінің жарлығына сәйкес, ұялы телефондарының IМEI-кодын ЖСН немесе БСН номеріне тіркетуі тиіс болған.

"The Qazaq Times"