تاجىكستاندا سيم-كارتاعا بايلانىستى تالاپتار وزگەردى، بۇدان بىلاي ءار تاجىك ازاماتى سيم-كارتاسىن كامەرانىڭ باقىلاۋىمەن جاڭا ۇلگىدەگى پاسپورتىنا تىركەتۋى ءتيىس.
سونداي-اق، ۇكىمەتتىڭ «تەلەكوممۋنيكاتسيا جەلىلەرىنە قوسىلۋ جانە ولارمەن بايلانىستى قىزمەتتەردى ۇسىنۋ ءتارتىبى مەن تالاپتارى تۋرالى» زاڭعا تۇزەتۋلەر ەنگىزۋىنە بايلانىستى، تاجىكستان ازاماتتارى ەكى سيم-كارتادان ارتىق كارتا پايدالانا المايدى.
سونىمەن بىرگە، جاۋاپتى تۇلعالار SIM-كارتا ساتۋمەن اينالىساتىن ءاربىر نۇكتەگە باقىلاۋ كامەرالارى ورناتۋلارى كەرەك. وپەراتورلار التى ايدان استام ۋاقىت بويى قولدانىلماعان سيم-كارتالاردى ءوشىرۋى ءتيىس. سونداي-اق، جاۋاپتى ماماندار سيم-كارتا ساتىپ العان ازاماتتىڭ قۇجاتتارىن ەلەكتروندى تۇردە ساقتاۋعا ءتيىس.
ال 16 جاستان باستاپ كامەلەتكە تولماعان ازاماتتار اتا-اناسىنىڭ نە قورعاۋشىسىنىڭ جازباشا كەلىسىمى ارقىلى سيم-كارتا ساتىپ الا الادى.
جالپى، قازاقستاندىقتار دا 2019 جىلدىڭ 1 قاڭتارىنا دەيىن ۇيالى تەلەفوندارى مەن پلانشەتتەرىن تىركەگەن ەدى. ول اقپارات جانە كوممۋنيكاتسيا مينيسترلىگىنىڭ جارلىعىنا سايكەس، ۇيالى تەلەفوندارىنىڭ IمEI-كودىن جسن نەمەسە بسن نومەرىنە تىركەتۋى ءتيىس بولعان.
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى