Aqparat jäne kommunikaciyalar ministri Däuren Abaev. foto: sputniknews.kz

Aqparat jäne kommunikaciyalar ministri Däuren Abaev tağı bir tıñ jañalığımen bölisti. Endi Qazaqstanda memlekettik organdar üşin birıñğay sayt qana jwmıs isteydi, al qalğandarı jabıladı. 

Atalğan jüyege memlekettik organdar portaldarı men öñirlik äkimdikterdiñ portaldarı kirmek.

Ministrlik kollegiyasınıñ keñeytilgen otırısında: "Biıl biz memlekettik organdar üşin birıñğay gov.kz internet-portalın qwrastıramız. Jüzdiñ ornına bir sayt. Barlıq qarjılandıru jabıladı jäne tek jalğız portal ayasında boladı. Bwl portal qazir testileuden ötip jatır. Ol birinşi kezekte twtınuşılardıñ müddesi üşin jwmıs isteytin boladı. Bükil ministrlik pen memlekettik qızmetter sonda boladı. Arnayı bölim jañalıqtardıñ jañartıluın baqılaytın boladı. Osınıñ barlığı qoğamdıq sotqa şığarıladı jäne meniñ oyımşa bwl säuirde boladı", - dedi Abaev.

Osılayşa, memlekettik sayttardı wstauğa jwmsalatın milliard teñgeni ünemdeuge tırısqan ministr, mwnıñ tiimdi ekendigin aytıp otır.

"Birte-birte eki jıl işinde biz qalğan barlıq memlekettik sayttardı jabamız. Bwl qarajattı aytarlıqtay ünemdeu bolıp tabıladı jäne sapa ösedi. Memlekettik organdar tehnikalıq mindetter üşin emes, jañartu üşin emes, kontent üşin jauap beretin boladı. Ministrlik eki bölikke jauap beredi: jañalıqtar men körsetiletin memlekettik qızmetter üşin", - degen ministr, bwl şeşimniñ revolyuciyalıq ekenin aytıp, aqparatqa qoljetimdilikti jaqsartatındığın alğa tarttı.

Sarapşılardıñ pikirinşe, Abaevtıñ mwnday wsınısı bir jağınan öte orındı. Sebebi, qazirgi tañda twrğındardıñ basım böligi kerek aqparattardı BAQ ökilderi men äleumettik jelilerden jıldam aladı. Onıñ üstine qanday da bir oqiğa bolğan kezde ünsiz otıratın biliktegilerdiñ portaldarı belsendi türde jwmıs istep otır deuge kelmeydi.

Alayda, tağı bir kereğar twsı da bar ekendigi ras. Öytkeni, ärbir memlekettik orınnıñ portaldarına twrğındar öz şağımdarın joldauına mümkin bolğan. Endi biriñğay sayt bwl twrğıda qalay bolatındığı belgisiz. Jan ayqayın jeke portaldarğa jazıp jetkize almay jatqan jwrtşılıq, keri baylanıs bolmaydı dep bezek qağuda.

"The Qazaq Times"