Ukraina prezidenti Petr Poroşenko AQŞ pen Resey baylanısına qatıstı pikir bildirdi.

«Pryamoy» telearnasına swhbat bergen Poroşenko Azovtağı jağdaydan keyin AQŞ-tıñ Reseyge közqarasınıñ bwrınğıdan älsirep ketkenin jäne sol sebepti eki el wyımdastırğan kezdesuge amerikandıq ökildiñ qatıspağandığın ayttı. Sonımen qatar, Ukraina prezidenti Reseyge qarsı jaña sankciyalar engizgen Europalıq Odaq sayasatın joğarı bağaladı.

Petr Poroşenko: «Myunhendegi jiında AQŞ vice-prezidenti Mayk Pens Resey Kerş bwğazında ukraindıq teñizşilerdi qamauğa alğandıqtan, bizdiñ tarap reseylikter wyımdastırğan kezdesuge qatısudan bas tarttı dedi. Demek, aldağı uaqıtta eki el basşılarınıñ kezdesui ekitalay», – dedi.

Osığan deyin AQŞ Reseydiñ «agressiyalıq sayasatına» qarsı jaña rezolyuciya qabıldağan bolatın. Kiev pen Mäskeu teketiresine qaktıstı qabıldanğan AQŞ Senatınıñ rezolyuciyası halıqaralıq deñgeyde tanılğan şekaralar boyınşa eki jaqtı kelisimderge qoldau körsetuge jäne Kerş bwğazı men Azov teñizi arqılı kemelerdiñ qauipsiz ötuin qamtamasız etuge bağıttalğan. Senatorlar mwnday qadam «Reseydiñ şamadan tıs aumaqtıq qaqtığıstarına toytarıs beredi» dep sanaydı. Bwğan qatıstı Senat komitetiniñ törağası Ron Djonson: «AQŞ pen bizdiñ odaqtastarımız Kerş bwğazındağı Reseydiñ äskeri agressiyasına tez arada batıl qadam jasau arqılı jauap beredi. Halıqaralıq teñiz operaciyasın jürgizu Qara teñizden Azovqa deyin qauipsizdikti qamtamasız etui tiis», – dedi.

25 qaraşada Resey Kerş bwğazında Ukraina äskeri-teñiz küşteriniñ üş kemesin basıp alıp, oq atqan. Ukraina prezidenti Petr Poroşenko Reseydiñ bwl äreketin «basqınşılıq» dep atap, olardan Azov teñizinde wstalğan Ukraina äskeri kemeleri men teñizşilerin dereu bosatudı talap etti. Al Mäskeu kemeler Qırımğa jaqın teñizde Resey şekarasın bwzdı dep ayıptadı.

"The Qazaq Times"