Foto: mtdata.ru

Italiya Wlıbritaniyanıñ izin jalğap, Europalıq Odaq qwramınan şığuı mümkin. Bwl turalı Spiegel.de basılımı habarladı.

Italiyadağı «Soltüstik Liga» populistik partiyasınıñ ökili Klaudio Borgi jergilikti basılımdarğa swhbat berip, EuroParlamentke saylanğan deputattardıñ arasında populist partiyasınıñ ökilderi az bolsa, Italiya EO-dan şığadı dep mälimdedi. Ol sözinde: «Biz Europanıñ sayasi qwrılımın, Italiyadağı jağdaydı özgertuge tırısamız. Barlığı mamırda ötetin saylauğa baylanıstı», – dedi.

Eldegi populistik partiya müşelerine mamırda ötetin saylau mañızdı. Aldağı saylauda populister partiyası az dauıs jinasa, EuroParlamentke saylanudan bas tartpaq. Sarapşılardıñ pikirinşe, Italiyanıñ Europalıq Odaq qwramınan şığuına tağı bir sebep – eldegi ekonomikalıq jağdaydıñ älsireui. 2011 jılı Italiyada ekonomikalıq dağdarıs orın alıp, zeynetkerlik jası 67-ge deyin wlğaytılğan bolatın. Soñğı jıldardağı Italiyadağı sayasi dağdarıstıñ eñ bastı sebebi, parlamenttegi basım orındı eşbir partiya nemese al'yanstıñ jeñip almauı dep sanaydı sarapşılar. Bwl Italiya parlamentin qauqarsızdıqqa alıp kelip, soñında wzaq jılğa sozılğan sayasi dağdarıstar men ekonomikalıq qiınşılıqtarğa wşırattı. Saldarınan Euroaymaqtıñ üşinşi ülken ekonomikalıq aymağı auqımdı sayasi twraqsızdıqqa tap boldı.

Bıltır osı mäselege qatıstı jiın ötip, Eurokomissiya Italiyadan alğaş ret byudjet jobasın tolıqtırudı talap etti. Rim äleumettik bağdarlamalarğa qatıstı byudjet kölemin 0,9%-ğa wlğaytudı wsınğanmen, Bryussel' onı keri qaytardı. Sebebi, eki tarap wsınısındağı ayırmaşılıq 25 milliard euroğa jetken. Qazirdiñ özinde Italiya jwmıssızdıq indeksi boyınşa EO elderi arasında üşinşi orında. Eldegi qarjılıq dağdarıstı jäne jwmıssızdıq deñgeyin qalıpqa keltiru üşin prezident Serdjo Mattarello jaña reforma qabıldanatının mälimdedi. Sonımen qatar, şäkirtaqı, zeynetaqı jäne äleumettik kömekke bölinetin qarjı artadı.

"The Qazaq Times"