Foto: justjared.com

AQŞ Senatı Meksikamen şekaradağı qauipsizdik turalı byudjet jobasın dayındağanmen, elde tötenşe jağday jariyalanbaq.

Reuters agenttiniñ habarlauınşa, Kongress ökilderiniñ palatası şekara mäselesin talqılap, biılğı byudjet jobasın talqılağan. Jaña zañdı Aq üy basşısı Donal'd Tramp maqwldasa da, Meksikamen şekarada tötenşe jağday jariyalau turalı jarlıqqa qol qoydı.

Tramp osığan deyin 8 qañtarda halıqqa joldau jasap, Meksikamen aradağı şekara mäselesine qatıstı 5,7 mlrd dollarğa juıq qarjı bölu kerektigin ayqan bolatın. Biraq, Kongrestegi demokrattar prezidenttiñ bwl wsınısın qabıldaudan bas tartıp, biılğı byudjet kölemi anıqtalğan joq. Bekitilmegen byudjet saldarınan 22 jeltoqsannan beri AQŞ federaldı biliginiñ jwmısı işinara toqtatılğan bolatın. Bwl mäselege qatıstı Donal'd Tramptıñ özi: «Ükimettiñ tolığımen qaşan jwmısqa kirisetindigin ayta almaymın. Şekarada qaqpa twrğızılmayınşa «şatdaun» jalğasa beredi. Bwl qabırğa elge zañsız kirgisi keletinderge tosqauıl boladı. Jahandıq keselge aynalğan adam saudası men esirtki tasımalına nükte qoyadı. Qazirgi uaqıtta biz adam saudalauşılardı qolğa tüsiru üşin jwmıs istep jatırmız. Al Meksikamen aradağı şekarağa qaqpa salınbayınşa, osı atalğan keseldermen küresu qiınğa soğadı»,– dep mälimdedi.

"The Qazaq Times"