بۇگىن اقش پەن تايلاند بىرلەسكەن اسكەري جاتتىعۋدى باستادى

بۇگىن اقش-تايلاند اراسىنداعى اۋقىمدى بىرلەسكەن اسكەري وقۋ-جاتتىعۋلار باستالدى. «Golden Cobra» دەپ اتالاتىن جاتتىعۋعا تىكەلەي جانە باقىلاۋشى رەتىندە 29 ەل قاتىسقان. اقش پەن تايلاندتان تىس، سينگاپۋر، جاپونيا، قىتاي، ءۇندىستان، مالايزيا جانە وڭتۇستىك كورەيا وقۋ-جاتتىعۋدىڭ بەلسەندى قاتىسۋشىلارى بولماق.

بىرلەسكەن اسكەري جاتتىعۋ تايلاندتىڭ سولتۇستىگىندەگى فيتسانۋلوك قالاسىندا وتكەن. اقش-تىڭ تايلاندتاعى ەلشىسى پيتەر حامموندتىڭ ايتۋىنشا، بىرلەسكەن جاتتىعۋدىڭ باستى ماقساتى تاراپتاردىڭ ۇلتتىق قورعانىس ىنتىماقتاستىعىن كۇشەيتۋ، ارميانىڭ ىنتىماقتاستىعى جانە ارەكەتتىك ۇيلەسىمدىلىگىن دامىتۋ.

كەزەكتى جاتتىعۋ ءۇش مازمۇندى قامتيدى. ايتالىق، ۇرىس جاتتىعۋلارى، وداقتاستارعا كومەك بەرۋ جاتتىعۋلارى جانە اپاتتى جاعدايلاردا زارداپتى جويۋ مەن گۋمانيتارلىق كومەك جەتكىزۋ جاتتىعۋلارى.

ايتا كەتەيىك، 1982 جىلى باستالعان «Golden Cobra» بىرلەسكەن اسكەري جاتتىعۋ جىل سايىن وتكىزىلىپ كەلەدى. كەزەكتى جاتتىعۋ 10 كۇنگە جالعاسىپ، 22 اقپان كۇنى اياقتالادى.

“The Qazaq Times”