Photo: Atameken Business

Qazaqstan Respublikasınıñ Memlekettik qızmet isteri jäne sıbaylas jemqorlıqqa qarsı is-qimıl agenttiginiñ tapsırısı boyınşa «SANDJ» zertteu kompaniyasınıñ memlekettik qızmetterdi körsetu sapasına jürgizgen qoğamdıq monitoring nätijesinde «Birıñğay jinaqtauşı zeynetaqı qorı salımşısınıñ  zeynetaqı jinaqtarınıñ jay-küyi turalı aqparat beru» qızmeti üzdik bestiktiñ qatarına endi, dep habarlaydı BjZq zeynetaqı qorınıñ baspasöz qızmeti.

Memlekettik qızmetterdiñ körsetilu sapasına qatıstı qoğamdıq monitoring 2018 jıldıñ tamız-qazan ayları aralığında ötkizildi. Zertteu barısında Qazaqstannıñ barlıq öñirlerinde 10 000 qızmet aluşı arasında saualnama jürgizilgen edi. Bwl rette 60 memlekettik qızmet  negizge alındı. Sonımen qatar, «Qwpiya satıp aluşı» ädisi boyınşa baqılau jürgizilip, birqatar fokus-toptıq talqılaular wyımdastırıldı.

Zertteu jürgizudegi maqsat – qızmet aluşılardıñ körsetiletin qızmetterdiñ sapasına qanağattanuşılıq deñgeyin bağalau. Bwl rette aqparattıñ qoljetimdiligi, qızmet körsetu merziminiñ saqtaluı, qızmet körsetu deñgeyi (sıpayılıq, biliktilik, qızmetkerlerdiñ şapşañdığı), qwjattardıñ dwrıs räsimdelui, şarttardıñ ıñğaylılığı eskerildi.

Zertteu qorıtındısı boyınşa BJZQ salımşısınıñ (aluşısınıñ) zeynetaqı jinaqtarınıñ jay-küyi turalı aqparat beru qızmetine bağa beru barısı aqparattıñ sapası men qoljetimdiligi, jedeldigi men qwzırettiligi boyınşa joğarı nätijeler körsetti: saualnamağa jauap beruşilerdiñ 80,4 payızı qızmetter boyınşa aqparattıñ aşıqtığına jäne qoljetimdiligine riza. Bwl rette jauap beruşilerdiñ 82,9 payızınıñ pikirinşe aqparattar aşıq jäne şınayı. Jauap beruşilerdiñ 88,3 payızınıñ qızmetterdiñ körsetilu merzimine jäne 92,1 payızınıñ qwjattardıñ jinalu jäne äzirleu merzimine köñilderi toladı.

Saualnamağa qatısuşılardıñ 79,8 payızı qızmet körsetuşiniñ mamandarınıñ biliktiligin joğarı bağalasa, 80,7 payızı üşin qızmetkerlerdiñ sıpayılığı, ädeptiligi qanağattanarlıq deñgeyde boldı. Sonımen qatar qızmetkerleriniñ şapşañdığın saualnamağa jauap beruşilerdiñ 81,3 payızı atap ötse, 80,4  payızı qızmet körsetuşige senedi.

"The Qazaq Times"