AQŞ qorğanıs ministriniñ mindetin atqaruşı Şanahan Auğanstanğa saparmen bardı. Foto: VOA.

Düysenbi küni, AQŞ qorğanıs ministriniñ mindetin atqaruşı Şanahan Auğanstan ükimet basşıları men sol eldegi AQŞ äskerlerine kezdesu üşin  Auğanstanğa saparlay bardı.

Şanahannıñ Auğanstan saparınan bwrın jasalğan resmi mälimdemede: «Pentagon basşısınıñ bwl saparınıñ bastı maqsatı – Auğanstandağı barlıq taraptarmen kelissöz arqılı beybitşilikke şaqıru, 2001 jıldan beri bastalğan wrıstı toqtatu», – dep körsetilgen.

Pentagonnıñ qazirgi basşısı jurnalisterge bergen jauabında, Auğanstan halqınıñ öz bolaşağına özderi şeşim jasau wstanımında, el ükimetiniñ rölin arttıruğa basa män beretinin aytqan.

Degenmen, Şanahan Auğanstandağı AQŞ äskerlerin qısqartu turalı swraqtarğa jauap bermegen.

Pentagon basşısınıñ Auğanstan saparlay baruı AQŞ-tıñ öñirdegi jaña strategiyasın jüzege asıruğa küş salıp jatqanın körsetedi. Sonday-aq, Auğanstan mäselesin şeşudiñ kezek küttirmeytin mäsele ekenin tüsindiredi.

“The Qazaq Times”