پەنتاگون باسشىسى اۋعانستانعا ساپارلاي باردى

دۇيسەنبى كۇنى، اقش قورعانىس ءمينيسترىنىڭ مىندەتىن اتقارۋشى شاناحان اۋعانستان ۇكىمەت باسشىلارى مەن سول ەلدەگى اقش اسكەرلەرىنە كەزدەسۋ ءۇشىن  اۋعانستانعا ساپارلاي باردى.

شاناحاننىڭ اۋعانستان ساپارىنان بۇرىن جاسالعان رەسمي مالىمدەمەدە: «پەنتاگون باسشىسىنىڭ بۇل ساپارىنىڭ باستى ماقساتى – اۋعانستانداعى بارلىق تاراپتارمەن كەلىسسوز ارقىلى بەيبىتشىلىككە شاقىرۋ، 2001 جىلدان بەرى باستالعان ۇرىستى توقتاتۋ»، – دەپ كورسەتىلگەن.

پەنتاگوننىڭ قازىرگى باسشىسى جۋرناليستەرگە بەرگەن جاۋابىندا، اۋعانستان حالقىنىڭ ءوز بولاشاعىنا وزدەرى شەشىم جاساۋ ۇستانىمىندا، ەل ۇكىمەتىنىڭ ءرولىن ارتتىرۋعا باسا ءمان بەرەتىنىن ايتقان.

دەگەنمەن، شاناحان اۋعانستانداعى اقش اسكەرلەرىن قىسقارتۋ تۋرالى سۇراقتارعا جاۋاپ بەرمەگەن.

پەنتاگون باسشىسىنىڭ اۋعانستان ساپارلاي بارۋى اقش-تىڭ وڭىردەگى جاڭا ستراتەگياسىن جۇزەگە اسىرۋعا كۇش سالىپ جاتقانىن كورسەتەدى. سونداي-اق، اۋعانستان ماسەلەسىن شەشۋدىڭ كەزەك كۇتتىرمەيتىن ماسەلە ەكەنىن تۇسىندىرەدى.

“The Qazaq Times”