Photo: infoabad.com

AQŞ-tıñ Türkimenstandağı elşiligi amerikalıq diplomattarğa türkimen äue kompaniyası "Turkmenhovaellarımen" wşuğa tıyım salğanın habarladı.

"Europanıñ äue qauipsizdigi agenttigi "Turkmenhovaelları" äue kompaniyası wşaqtarınıñ Europa odağı elderine jäne Euroodaq äue keñistigi arqılı tranzittik bağıttar boyınşa wşuına uaqıtşa tıyım saldı. Osığan oray AQŞ diplomattarı bwl äue kompaniyasımen resmi saparlarğa wşa almaydı" dep jazılğan AQŞ-tıñ Türkimenstandağı elşiliginiñ mälimdemesinde.

Bwğan deyin Europanıñ äue qauipsizdigi agenttigi "Turkmenhovaelları" ("Türkimen äue joldarı") memlekettik äue kompaniyası wşaqtarınıñ Europa aumağına wşuına uaqıtşa tıyım salğan edi. Tıyım "kompaniya halıqaralıq qauipsizdik talaptarına say keletinin däleldegenşe" küşinde boladı. Bwl turalı 4 aqpanda Wlıbritaniya sırtqı ister ministrligi habarladı.

Agenttik habarlamasında türkimen äue kompaniyasınıñ Europağa wşuın toqtatqanı aytılğan. Türkimenstan wşaqtarı Pekin, Deli jäne basqa qalalardan Aşğabat arqılı Birmingem men Hitrouğa jolauşı tasımaldaytın.

"The Qazaq Times"