Photo: infoabad.com

اقش-تىڭ تۇركىمەنستانداعى ەلشىلىگى aمەريكالىق ديپلوماتتارعا تۇركىمەن اۋە كومپانياسى "تۋركمەنحوۆايوللارىمەن" ۇشۋعا تىيىم سالعانىن حابارلادى.

"ەۋروپانىڭ اۋە قاۋىپسىزدىگى اگەنتتىگى "تۋركمەنحوۆايوللارى" اۋە كومپانياسى ۇشاقتارىنىڭ ەۋروپا وداعى ەلدەرىنە جانە ەۋرووداق اۋە كەڭىستىگى ارقىلى ترانزيتتىك باعىتتار بويىنشا ۇشۋىنا ۋاقىتشا تىيىم سالدى. وسىعان وراي اقش ديپلوماتتارى بۇل اۋە كومپانياسىمەن رەسمي ساپارلارعا ۇشا المايدى" دەپ جازىلعان اقش-تىڭ تۇركىمەنستانداعى ەلشىلىگىنىڭ مالىمدەمەسىندە.

بۇعان دەيىن ەۋروپانىڭ اۋە قاۋىپسىزدىگى اگەنتتىگى "تۋركمەنحوۆايوللارى" ("تۇركىمەن اۋە جولدارى") مەملەكەتتىك اۋە كومپانياسى ۇشاقتارىنىڭ ەۋروپا اۋماعىنا ۇشۋىنا ۋاقىتشا تىيىم سالعان ەدى. تىيىم "كومپانيا حالىقارالىق قاۋىپسىزدىك تالاپتارىنا ساي كەلەتىنىن دالەلدەگەنشە" كۇشىندە بولادى. بۇل تۋرالى 4 اقپاندا ۇلىبريتانيا سىرتقى ىستەر مينيسترلىگى حابارلادى.

اگەنتتىك حابارلاماسىندا تۇركىمەن اۋە كومپانياسىنىڭ ەۋروپاعا ۇشۋىن توقتاتقانى ايتىلعان. تۇركىمەنستان ۇشاقتارى پەكين، دەلي جانە باسقا قالالاردان اشعابات ارقىلى بيرمينگەم مەن حيتروۋعا جولاۋشى تاسىمالدايتىن.

"The Qazaq Times"