AQŞ prezidenti Donal'd Tramp DAIŞ-ke qarsı koaliciyağa müşe elderdiñ SİM basşıları bas qosqan jinalısta mälimdeme jasap, terrorlıq wyımğa qarsı kürestegi halıqaralıq koaliciyanıñ tabısı turalı ayttı. Ol özi mindetke otırğannan beri Aq üydiñ DAIŞ-ke qarsı küreske basa nazar audarğanın alğa tartqan.

Tramp sözinde prezident bolıp tağayındala salısımen Pentagonğa bergen alğaşqı mindeti DAIŞ-ke qarsı kürestiñ jobasın jasap şığaru ekenin aytqan. Sonday-aq, bwğan deyin atalğan terrorlıq toptıñ ügit-nasihat joldarı bolıp kelgen ğalamtordağı arnaların bwğattağanın ayttı.

«Men DAIŞ-tıñ tolıq jeñiliske wşırağanın estigim keledi. Biraq, resmi mälimetti kütip otırmın. Aldağı aptada biz Süriya jerindegi DAIŞ terrorlıq tobınıñ tolıqtay jeñiliske wşırağanın jariyalay alamız», – dedi.

Tramp sözinde halıqaralıq koaliciyağa müşe elderge alğıs aytqan. Olardıñ qatısuımen Süriya men Irak jerinde terrorlıq wyımnıñ 70-ke juıq joğarı lauazımdı adamın joyğanın jetkizgen.

“The Qazaq Times”