اۋستراليا (اۆستراليا) ۇكىمەتى بەلگىلى قىتايلىق كاسىپكەرلەرگە ازاماتتىق بەرۋدەن باس تارتۋدا جانە تۇراقتى تۇرۋعا بەرىلگەن ۆيزاسىن قايتارىپ الدى. بۇل تۋرالى بۇگىن «Sydney Morning Herald» باسىلىمى حابارلادى.

اتالعان باسىلىمنىڭ حابارىنا قاراعاندا، اۋستراليا ۇكىمەتى تانىمال بيزنەسمەن جانە ساياسي دونور حۋاڭ شياڭموعا اۋستراليا ازاماتتىعىن بەرۋدەن باس تارتتى جانە سول ەلدە ۇزاق ۋاقىتقا تۋرۋعا مۇمكىندىگى بار ۆيزاسىن قايتارىپ الدى. دەگەنمەن، اتالعان باسىلىمدا ۇكىمەت شەشىمىنىڭ سەبەبى تۋرالى انىق كورسەتىلمەگەن.

اتالعان باسىلىمنىڭ ايتۋىنشا، 2011 جىلدان بەرى وتباسىمەن بىرگە سيدنەيدە تۇرىپ كەلە جاتقان حۋاڭ شياڭمو قىتاي كومپارتياسىمەن تىعىز قارىم-قاتىناستا. سوعان قاراماستان، سوڭعى ون جىلدا اۋسترالياداعى ەكى ءىرى ساياسي پارتياعا قارجىلاي قولداۋ كورسەتىپ كەلەدى. سونداي-اق، اۋستراليانىڭ بۇرىنعى ساۋدا ءمينيسترى ەندريۋ روبتىڭ سايلاۋشىلار قورىنان 100 مىڭ دوللار كولەمىندە كومەك اتاعان. الايدا، اۋستراليا جۇمىسشىلار پارتياسىنىڭ ءبىر وكىلى قىتاي تۋرالى سىن-پىكىرىن جاريالاعاننان كەيىن، حۋاڭ شياڭمو اتالعان پارتياعا 400 مىڭ اقش دوللارى كولەمىندە كومەك بەرۋ ۋادەسىن قايتىپ العان.

اۋستراليا كوشى-قون ءمينيسترى قىتايلىق تانىمال كاسىپكەر تۋرالى ۇكىمەت شەشىمىن تۇسىندىرۋدەن باس تارتقان. ال، وزگە دە اۋستراليالىق اقپارات قۇرالدارىنىڭ حابارىنا قاراعاندا، قازىرگى كەزدە  اتالعان قىتايلىق كاسىپكەردىڭ قايدا ەكەنى بەلگىسىز، اۋستراليادان شىعىپ كەتكەنىن جانە قايتىپ ورالماۋعا شەشىم قابىلداعانى تۋرالى ايتادى.

“The Qazaq Times”