foto: sputnik-georgia.ru

Venesuela biligi jurnalisterdi twtqındauğa kiristi. Osı uaqıtqa deyin Ispaniya, Franciya jäne Çili elderiniñ tilşilerin qwrıqtap, deportaciya jasauğa ärekettenude.

Venesueladağı oppoziciya men bilik ökilderiniñ arasındağı qaqtığıs tım nasırğa şauıp baradı. Qos taraptı qoldaytın memleketter sanı kün artqan sayın köbeyip, el işindegi daudıñ qoyılar soñğı nüktesi alşaqtauda.

Miting kezinde ärtürli elderdiñ qauipsizdik qızmeti men qatar tilşileri de köptep jürgendigi belgili. Älemge aqparat taratuğa tırısqan tilşiler Maduronı sayasatın jürgizuge tosqauıl qoyıp otırğan sıñay tanıtadı. Sebebi, qos taraptıñ barlıq jağdayı büginde älem nazarında jürgendigi belgili.

31 qañtar küni Ispandıq EĞE aqparattıq agenttigi özderiniñ üş tilşilerin Venesuelada twtqındağandığı turalı habarlağan. Karakastan habar taratqan jurnalisterdiñ bolaşağı qanday bolatındığı belgisiz. Äytse de, Maduro jaqtastarı bwğan mälimdeme bergen joq.

Bwdan bwrın Çili men Franciya eliniñ jurnalisteri de twtqındalğandığı habarlanğan. Alayda, 12 sağat qamauda wstağannan keyin, Venesuela biligi öz elderine deportaciya jasadı.

Osı oqiğadan keyin, älemdik basılımdar men telearnalar tilşileri üşin qauiptenip otır.

"The Qazaq Times"