ۆەنەسۋەلا بيلىگى جۋرناليستەردى تۇتقىنداۋعا كىرىستى. وسى ۋاقىتقا دەيىن يسپانيا، فرانتسيا جانە چيلي ەلدەرىنىڭ تىلشىلەرىن قۇرىقتاپ، دەپورتاتسيا جاساۋعا ارەكەتتەنۋدە.

ۆەنەسۋەلاداعى وپپوزيتسيا مەن بيلىك وكىلدەرىنىڭ اراسىنداعى قاقتىعىس تىم ناسىرعا شاۋىپ بارادى. قوس تاراپتى قولدايتىن مەملەكەتتەر سانى كۇن ارتقان سايىن كوبەيىپ، ەل ىشىندەگى داۋدىڭ قويىلار سوڭعى نۇكتەسى الشاقتاۋدا.

ميتينگ كەزىندە ءارتۇرلى ەلدەردىڭ قاۋىپسىزدىك قىزمەتى مەن قاتار تىلشىلەرى دە كوپتەپ جۇرگەندىگى بەلگىلى. الەمگە اقپارات تاراتۋعا تىرىسقان تىلشىلەر مادۋرونى ساياساتىن جۇرگىزۋگە توسقاۋىل قويىپ وتىرعان سىڭاي تانىتادى. سەبەبى، قوس تاراپتىڭ بارلىق جاعدايى بۇگىندە الەم نازارىندا جۇرگەندىگى بەلگىلى.

31 قاڭتار كۇنى يسپاندىق ەعە اقپاراتتىق اگەنتتىگى وزدەرىنىڭ ءۇش تىلشىلەرىن ۆەنەسۋەلادا تۇتقىنداعاندىعى تۋرالى حابارلاعان. كاراكاستان حابار تاراتقان جۋرناليستەردىڭ بولاشاعى قانداي بولاتىندىعى بەلگىسىز. ايتسە دە، مادۋرو جاقتاستارى بۇعان مالىمدەمە بەرگەن جوق.

بۇدان بۇرىن چيلي مەن فرانتسيا ەلىنىڭ جۋرناليستەرى دە تۇتقىندالعاندىعى حابارلانعان. الايدا، 12 ساعات قاماۋدا ۇستاعاننان كەيىن، ۆەنەسۋەلا بيلىگى ءوز ەلدەرىنە دەپورتاتسيا جاسادى.

وسى وقيعادان كەيىن، الەمدىك باسىلىمدار مەن تەلەارنالار تىلشىلەرى ءۇشىن قاۋىپتەنىپ وتىر.

"The Qazaq Times"