Qarjı ministrligi. foto: minfin.gov.kz

Memlekettik organdarda saqtalğan qwjattardan 4,7 million qate tüzelgen. Bwl turalı qarjı ministri Älihan Smailov mälimdedi.

Jiında söz alğan mäjilis deputatı Tat'yana YAkovleva biliktiñ basqaruındağı elektrondı sayttardan, Memlekettik kiris komitetinde jäne şekaralıq bölimderdegi ğalamtor jelilerinen qate aqparattardı birneşe ret közi şalğandığın jetkizdi.

«Şın mäninde birneşe ret qate sandarmen wşırastım. Ondağı eñ mañızdısına toqtalar bolsam, 2018 jılı bankter salıqtıq qarızı bar azamattardıñ naqtı qanşa ekendigin körsete almadı. Osığan baylanıstı köptegen azamattar banktik esepşottar aşa almay, nesie ala almay biraz äure-sarsañğa tüskendigi belgili. YAğni, aqparattıñ az äri naqtı emes boluına baylanıstı salıqtı merziminde tölep otırğandar aqparattıq jüyeniñ twtqınına aynalıp otır» dep Tat'yana YAkovleva öziniñ pikirin bildirdi.

Al, bwl swraqqa jauap beruge tırısqan Älihan Smailov: «Biz bıltır osı qiındıqqa tap bolğannan keyin, jañartu barısında ülken jwmıstar atqardıq. 5 millionğa juıq qateler tüzeldi. Sonımen birge tağı dı 300 mıñday qate bar dep boljap otırmız. Mwnıñ barlığı salıq tölemine qatıstı aqparattar dayın bolğan kezde tüzetiledi».

Bwdan keyin, qarjı ministrligi salıq töleuşilerdiñ kütpey-aq, aqparattardı jöndeuge özderi kirisetindigin jetkizdi. Sondıqtan endi jergilikti atqaru orındarın da iske qosu qarastırılğan.

Bwl qarjı ministrliginiñ qateligine baylanıstı alğaş ret aytılıp otırğan dau emes. Bwdan bwrın Güljan Qarağwsova da elektrondı jüyedegi türli qatelikterdiñ saldarınan, köptegen azamattar nesie ala almay, şet elge şığa almay jürgendigin jetkizgen edi.

Sarapşılardıñ sözinşe, jappay elektrondı jüyege köşuge ıntıqqan biliktegiler, eñ aldımen özderi sauattı boluı tiis deydi. Sonımen birge, ärbir jariyalanğan aqparattar naqtı boluı şart.  Bwdan bölek memlekettik jüyege qatıstı keybir mälimetterdi tabudıñ özi de mümkin emes ekendigin joqqa şığarmaydı. «Köş jüre tüzeledi» degenge salıp barlığın tiyanaqtı orındamau, qayta-qayta kerige oralta beretindigi ras.

"The Qazaq Times"