Alimentten qaşqan azamattardı qanday jaza kütip twr? foto: today.kz

Qırğızstan biligi alimentten qaşqan azamattarğa qarsı zañdı küşeytpek. Atalğan taqırıp Joğarğı Keneştiñ bastı talqılauına tüsti.

Jiında söz alğan deputat Ayswlu Mamaşova: «Statistika boyınşa Qırğız elindegi ärbir 5-şi otbası ajırasu üstinde. Osığan baylanıstı balalardıñ qwqığı da taptaluda. Endi ärbir büldirşinge baqıttı balalıq şaq qalıptastıru üşin alimenti küşeytu kerek. Sonımen qosa, bwl taqıraptağı zañdardıñ da tiisinşe küşti boluın qadağalauımız tiis» dep, öz pikirin jetkizdi.

Deputat bwdan bölek qazirgi jüye ärbir äke bolğan qırğızstandıq azamattıñ jazadan jeñil qwtıluına da jol aşıp otırğandığın jetkizdi. Sonday-aq, taqırıptı barlıq şeneunikterge mälimdep qana qoymay, onıñ şeşimin de körsete bildi. Mısalı, alimentten jaltarğan azamattardı şekaradan şığaru, kölik jürgizu qwqığınan ayıru kerektigin wsındı.

Qazirgi tañda alimenttiñ jağdayı Joğarğı Keneşte talqığa tüsude. Eger, Qırğızstan parlamentinde otırğan şeneunikter deputat Ayswlu Mamaşovenıñ sözin iski asırar bolsa, onda ajırasqan äkelerdiñ jağdayı qiınday tüsui mümkin.

Esteriñizge sala keteyik, Qazaqstanda da alimenttik jağdaydıñ körsetkişi mäz emes. Bas prokuraturanıñ derekterine süyensek, bizdiñ elimizde 25 mıñnan astam azamat aliment tölemey qaşıp jür. Qazirgi tañda olardı üş sanatqa bölip qarastırıp otır.

  • Arı taza borışkerler (aliment tölegisi keledi, tek jwmıs taba almay jür);
  • Ädeyi tölemey jürgender (aliment töleuge şaması jetedi, tek bwrınğı jwbayınan kek alu maqsatında, ne qanday da bir wstanımmen tölegisi kelmey jürgender);
  • Ümitsiz borışker (aliment töleuge jağdayı da, nieti de joq – üy-küysiz, jwmıssız, maskünem, naşaqorlar).

Soñğı jıldarı 30 payız azamat aliment töleuden qaşsa, 40 payızına izdeu jariyalanğan. Osınıñ saldarınan 350 mıñnan astam büldirşin alimentke zar bolıp otır.

"The Qazaq Times"