Foto: rosbalt.ru

Reseydiñ İİM KHDR-ğa baylanıstı prezidenttiñ jarlığımen sankciyanı qataytatın arnayı joba wsındı. Bwl turalı rosbalt.ru habarlaydı.

Qwjatta: «Medicina salasınan basqa, Korey Halıq Demokratiyalıq Respublikanıñ resmi ökilderimen ğılımi-tehnikalıq seriktestikti toqtatu kerek», – delingen.

Bwğan deyin, atalmış zımırandardıñ sınaqqa enuine baylanıstı, Soltüstik Koreyanıñ BWW -nıñ Qauipsizdik keñesin közge de ilmey jatqandığın jazğan edik. Degenmen, qazir eger BWW-nıñ qauipsizdik komiteti KNDR-dıñ yadrolıq bağdarlamasına jatpaydı dep tapsa, onda yadrolıq ğılım, maşina jasau jäne avitehnika salalarındağı seriktestik jalğasadı. Oğan qosa, qwjatta KNDR-ğa mıs, nikel', mırış jäne kümis tasımaldau tıyım salınğandığı körsetilgen.

Ministrliktiñ jwmısına Phen'yandağı raketalıq sınaqtan keyin qabıldağan  Qauipsizdik Keñesiniñ qararı negiz boldı. Eske sala keteyik, 12 aqpan küni KNDR «Pukkıkson-2» atalatın ballistikalıq raketasın Phenan-Pukto provinciyasında, Japon teñizine jaqın mañda  07:55 uaqıtında  sınaqtan ötkizgen bolatın.  Ol 500 kilometr wşıp, suğa qwlağan. Bwnı sätti ötken sınaqtardıñ qatarına jatqızdı.

Alayda, 14 aqpan küni London Soltüstik Koreyanıñ elşisin atalmış sınaqqa baylanıstı şaqırıp, halıqaralıq qauipsizdikti bwzıp otırğan bwl arañdatuşılıqtı toqtatu kerektigin aytqan bolatın.

«The Qazaq Times»