رەسەي ءىىم سولتۇستىك كورەياعا بايلانىستى سانكتسيا دايىندادى

رەسەيدىڭ ءىىم كحدر-عا بايلانىستى پرەزيدەنتتىڭ جارلىعىمەن سانكتسيانى قاتايتاتىن ارنايى جوبا ۇسىندى. بۇل تۋرالى rosbalt.ru حابارلايدى.

قۇجاتتا: «مەديتسينا سالاسىنان باسقا، كورەي حالىق دەموكراتيالىق رەسپۋبليكانىڭ رەسمي وكىلدەرىمەن عىلىمي-تەحنيكالىق سەرىكتەستىكتى توقتاتۋ كەرەك»، – دەلىنگەن.

بۇعان دەيىن، اتالمىش زىمىرانداردىڭ سىناققا ەنۋىنە بايلانىستى، سولتۇستىك كورەيانىڭ بۇۇ -نىڭ قاۋىپسىزدىك كەڭەسىن كوزگە دە ىلمەي جاتقاندىعىن جازعان ەدىك. دەگەنمەن، قازىر ەگەر بۇۇ-نىڭ قاۋىپسىزدىك كوميتەتى كندر-دىڭ يادرولىق باعدارلاماسىنا جاتپايدى دەپ تاپسا، وندا يادرولىق عىلىم، ماشينا جاساۋ جانە اۆيتەحنيكا سالالارىنداعى سەرىكتەستىك جالعاسادى. وعان قوسا، قۇجاتتا كندر-عا مىس، نيكەل، مىرىش جانە كۇمىس تاسىمالداۋ تىيىم سالىنعاندىعى كورسەتىلگەن.

مينيسترلىكتىڭ جۇمىسىنا پحەنيانداعى راكەتالىق سىناقتان كەيىن قابىلداعان  قاۋىپسىزدىك كەڭەسىنىڭ قارارى نەگىز بولدى. ەسكە سالا كەتەيىك، 12 اقپان كۇنى كندر «پۋككىكسون-2» اتالاتىن بالليستيكالىق راكەتاسىن پحەنان-پۋكتو پروۆينتسياسىندا، جاپون تەڭىزىنە جاقىن ماڭدا  07:55 ۋاقىتىندا  سىناقتان وتكىزگەن بولاتىن.  ول 500 كيلومەتر ۇشىپ، سۋعا قۇلاعان. بۇنى ءساتتى وتكەن سىناقتاردىڭ قاتارىنا جاتقىزدى.

الايدا، 14 اقپان كۇنى لوندون سولتۇستىك كورەيانىڭ ەلشىسىن اتالمىش سىناققا بايلانىستى شاقىرىپ، حالىقارالىق قاۋىپسىزدىكتى بۇزىپ وتىرعان بۇل اراڭداتۋشىلىقتى توقتاتۋ كەرەكتىگىن ايتقان بولاتىن.

«The Qazaq Times»