Tereza Mey. foto: esquire.ru

Wlıbritaniyanıñ prem'er-ministri Tereza Mey Euroodaq qwramınan şığu isiniñ sätsiz boluı mümkin ekendigin de jasırmaydı.

«Eger Britan parlamenti aldağı dauıs beru kezinde Euroodaqtan şığudı qoldamaytın bolsa, onda wzaq uaqıt täuekelge barğan jüyeniñ tolığımen sätsizdikke wşırauı mümkin» , dep Tereza Mey öziniñ aşıq pikirin jetkizdi.

Sonımen qatar, Britan ükimet basşısı soñğı birneşe apta boyı Brexit-tiñ dauıs beru kezeñin keyinge qaldıruğa, tipti orta joldan toqtatuğa da äreket jasap jatqandardıñ bar ekendigin alğa tarttı. Osı orayda Britan parlamenti Euroodaqtan şığudı qoldamağan jağdayda, ağılşın twrğındarına degen qwrmettiñ joq ekendigin körsetetindigin de eskertti.

Esteriñizge sala keteyik, Wlıbritaniya 2016 jıldıñ mausım ayında jaña referendum qabıldap, Euroodaq qwramınan tolıqtay şığatındığı turalı mälimdegen bolatın. Alayda, odaqtıñ özge elderi Britan biliginiñ tarapınan kelgen mwnday wsınıstı qabıldamay, wzaq uaqıt dauısqa salıp keledi. Endi seysenbi küni dauıs berudiñ äzirşe soñğı kezeñi bolmaq. Biraq, mwnıñ arı qaray jalğasa berui de ğajap emes. Qazirgi tañda Britan prem'er-ministri Tereza Mey däl osı jiında öziniñ maqsatına tübegeyli jetudi közdep otır.

"The Qazaq Times"