foto: news.tj

Täjikstanda jası 60-qa jetpey saqal qoyğan azamattarğa şetelge şığu tölqwjatı berilmeytin boldı. Qazirgi tañda Täjikstannıñ Viza jäne tirkeu bölimi atalğan tapsırma boyınşa jwmıstarın bastadı.

Alayda, biliktiñ şığarğan mwnday şeşimine qarsı bolğan keybir twrğındar, qoyğan saqaldarımen qoştasudan göri, tölqwjattan bas tartu tiimdi şeşim dep otır.

Şağımdarın aytqan köpşilik negizinen bwl jağday qajılıq sapar kezinde birşama qiındıqtar tuğızatındığın atap ötti. Sebebi, dini jolğa tüsip şariğat zañı boyınşa saqal qoyğandardıñ Mekkege saparına şetelge şığu tölqwjatı qajet. Al, wzaq jıldan beri ösirip kelgen saqaldı bir mezette joq qıluğa köbisi asığar emes.

Al, Täjikstan biligindegiler mwnday şeşimniñ şığuı eldegi terrorlıq äreketterdiñ aldın aluğa baylanıstı dep naqtı jauap berdi. Şıqqan zañğa baylanıstı täjik wltınıñ ärbir azamatı endi şeteldik tölqwjat alu üşin saqaldarın qiıp baruı abzal.

Esteriñizge sala keteyik, 2015 jılı Täjikstannıñ Hatlon oblısında 13 mıñnan astam adamnıñ saqalı qiılğan. Ärbir azamattıñ naqtı beynesine köz jetkizip, sausaq izderin alğan täjikstan tärtip saqşıları, aymaqtağı bögde adamdar men terrorlıq wyımnıñ ökilderin qarastıru maqsatında osınday qadamğa barğan eken.

"The Qazaq Times"