تاجىكستاندا جاسى 60-قا جەتپەي ساقال قويعان ازاماتتارعا شەتەلگە شىعۋ تولقۇجاتى بەرىلمەيتىن بولدى. قازىرگى تاڭدا تاجىكستاننىڭ ۆيزا جانە تىركەۋ ءبولىمى اتالعان تاپسىرما بويىنشا جۇمىستارىن باستادى.
الايدا، بيلىكتىڭ شىعارعان مۇنداي شەشىمىنە قارسى بولعان كەيبىر تۇرعىندار، قويعان ساقالدارىمەن قوشتاسۋدان گورى، تولقۇجاتتان باس تارتۋ ءتيىمدى شەشىم دەپ وتىر.
شاعىمدارىن ايتقان كوپشىلىك نەگىزىنەن بۇل جاعداي قاجىلىق ساپار كەزىندە ءبىرشاما قيىندىقتار تۋعىزاتىندىعىن اتاپ ءوتتى. سەبەبى، ءدىني جولعا ءتۇسىپ شاريعات زاڭى بويىنشا ساقال قويعانداردىڭ مەككەگە ساپارىنا شەتەلگە شىعۋ تولقۇجاتى قاجەت. ال، ۇزاق جىلدان بەرى ءوسىرىپ كەلگەن ساقالدى ءبىر مەزەتتە جوق قىلۋعا كوبىسى اسىعار ەمەس.
ال، تاجىكستان بيلىگىندەگىلەر مۇنداي شەشىمنىڭ شىعۋى ەلدەگى تەررورلىق ارەكەتتەردىڭ الدىن الۋعا بايلانىستى دەپ ناقتى جاۋاپ بەردى. شىققان زاڭعا بايلانىستى تاجىك ۇلتىنىڭ ءاربىر ازاماتى ەندى شەتەلدىك تولقۇجات الۋ ءۇشىن ساقالدارىن قيىپ بارۋى ابزال.
ەستەرىڭىزگە سالا كەتەيىك، 2015 جىلى تاجىكستاننىڭ حاتلون وبلىسىندا 13 مىڭنان استام ادامنىڭ ساقالى قيىلعان. ءاربىر ازاماتتىڭ ناقتى بەينەسىنە كوز جەتكىزىپ، ساۋساق ىزدەرىن العان تاجىكستان ءتارتىپ ساقشىلارى، ايماقتاعى بوگدە ادامدار مەن تەررورلىق ۇيىمنىڭ وكىلدەرىن قاراستىرۋ ماقساتىندا وسىنداي قادامعا بارعان ەكەن.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟