foto: argumenti.kg

Qırğız tilin jaqsı meñgergen tülekterdiñ 2019 jıldan bastap JOO tüsu mümkindigi artpaq. Bwl turalı Qırğızstannıñ bilim ministrliginiñ baspasöz-qızmeti mälimdep otır.

Qırğız ministrligniñ mälimeti boyınşa, 2019 jıldan bastap abiturientter arasında erkin testileu ötetin boladı. Qırğız mektepterinde bilim alıp otırğın oquşılar özderiniñ bilim deñgeyin körsetip, qırğız tilinen V1 därejesinen tömen bal almauı tiis. Barlığın sätti tapsırğan tülekter JOO-dağı ärbir mamandıqqa berilgen grantqa qol jetkizuge bir taban jaqın boladı.

Jaña jüye boyınşa, eger qos abiturienttiñ balı birdey bolıp grantqa talassa, onda qırğız tilinen jaqsı tapsırğan tülek arnayı sertifikattıñ arqasında grant iegeri atana aladı.

Qırğız tilin memleket işinde köterudi qolğa alğan bilim ministrliginiñ mwnday jüyesi köptegen ayır qalpaqtı eldiñ twrğındarına jwbanış bolıp otır. Äytse de, özge de orıs, özbek, täjik tilinde erkin söylep, qırğız tilin meñgermegender tiisinşe bir satı tömen twratındıqtarına narazı. Biraq, qırğız biligi osı arqılı tildiñ qaytadan keñinen qoldanısqa enuine septigin tigizuge boladı dep otır.

Esteriñizge sala keteyik, mwnday jüyeni Qazaqstannıñ bilim ministrligi de engizgen bolatın. Alayda, qazaq tilin bilgenderdiñ üstemdigin arttırudıñ orınına, auıldan şıqqan tülekterge basımdılıq bergen.

"The Qazaq Times"