Semetey Swltanov. Foto: championat.uz

Qırğızstannıñ eks-prezidenti Almazbek Atambaevtıñ küyeubalası Semetey Swltanov Qırğızstan futbol federaciyasınıñ basşılığı qızmetin öz erkimen bosattı. Bwl turalı 24.kg habarladı.

«Meniñ bwl şeşimime basqalardıñ közqarası özgeşe bolatının bilemin. Sol sebepti, men bwl qadamğa öz erkimmen barğanımdı eskertip ötkim keledi. Erteñgi künge jaña jospar qwrıp, jañaşa oylay alatın adamdardıñ qızmet etetin uaqıtı keldi. Bwl qızmetten ketsem de, qırğız futbolınıñ janküyerleri joğalmaytınına senemin. Endigi futboldıñ damitınına kümänim joq», – dep mälimdedi S.Swltanov. Sonımen qatar, ol öz sözinde futbol salasında qırğız qwramalarınıñ aytarlıqtay jetistikke jete almağanı üşin jäne bergen uädeleriniñ tolıqqandı orındalmağanı üşin halıqtan keşirim swradı.

Ayta keteyik, Semetey Swltanov Qırğızstandağı futbol federaciyasın tört jıl basqarğan.

"The Qazaq Times"