«The Qazaq Times» aqparattıq, qoğamdıq-sayasi portalına eki jıl.

Ärine, twtas qazaq tildi aqparat keñistiginen alıp qarağanda eki jıl köp uaqıt emes. Dey twrğanmen, qazaq BAQ-na bar ülesimizdi qosuğa tırıstıq. Öz wstanımımızğa say eşkimniñ tapsırmasın orındamadıq jäne reytnig jarısına da tüspedik. Qazaq halqına, qazaq memleketine älemniñ är tükpirinde bolıp jatqan türli qoğamdıq-sayasi, äleumettik jağdaylardı eş bwrmalausız qaz-qalpında jetkizuge küş saldıq.  Keşegi Keñes zamanınan qalğan älemge orıstıñ közimen ğana qaraytın ürdisti bwzuğa tırısıp baqtıq. Sol üşin de wjımımızğa ağılşın, qıtay, orıs, türik jäne francuz tilin erkin meñgergen jurnalisterdi toptastırdıq.

Tarih bolıp qaluğa jaqın twrğan 2018 jılda da jurnalisterimiz älemniñ är qiırındağı eleuli oqiğalardı, auqımdı mäselelerdi qazaq qoğamına jetkizip, olardıñ jahandıq wlı köşte kele jatqan Qazaqstan sındı elimizge tigizetin oñ nemese teris ıqpaldarı turalı jurnalistik oyların jetkizip otırdı.

Aytalıq, AQŞ-Qıtay qarım qatınası, Korey tübegindegi dağdarıs jäne beybitşilik procesi, Sauda soğısı, Ündi-Tınıq mwhit köşbasşılığına talas, AQŞ-Iran dağdarsı, Idlib dağdarsı, Auğanstan jağdayı, jahandıq jılınu jäne klimat özgeristeri turalı Estay Bojan nazarına wstağan bolsa (https://qazaqtimes.com/en/author/4);

AQŞ Kongresi saylauı, Brexit, Germaniyadağı migraciya, Franciyadağı «sarı jeydeliler» ereuili, Mäskeu-Kiev teketresi, Tramptıñ türli sankciyaları, Meksikadağı «migranttar kerueni», jahandanu jağdayındağı Japoniya siyaqtı halıqaralıq sayasi ahualdardı Aray Jwmatay qadağaladı. (https://qazaqtimes.com/author/20)

Jer-jahan jağdayattarına qosa, el işinniñ de türli mäselelerin qalıs qaltırmauğa küş saldıq. Qauipsizdik keñesi, «Jaña Qazaqstan», Qıtay qazaqtarı mäselesi, İşki ister ministrliginiñ reforması siyaqı özekti mäselelerge portalımızdıñ jurnalisi Esdäulet Qızırbekwlı üzdiksiz nazar salıp otırdı (https://qazaqtimes.com/author/9).

Sağadievtiñ sätsiz reforması turalı jäne komunaldıq tarifterdiñ arzandauınıñ astarı turalı Bauırjan Jaqsımbet qalam terbep keldi (https://qazaqtimes.com/public/kk/author/23).

Ortalıq Aziya elderiniñ integraciyası, Qazaqstannıñ yadrolıq qarudan bas tartuı, Wlttıq qordıñ hal-ahualı, el iş ekonomikası turalı Marjan Nüsipbek https://qazaqtimes.com/en/author/10, Kürd qarulı küşteri, Türik parlamenti men prezidenti turalı, Arab birikken ämirligi men Saud Arabiyası, Tayau-orta Şığıs mäselesi, Izrayıl'-Palestin şinelisi turalı Nwrgül Jambılqızı (https://qazaqtimes.com/author/17) jañalıqtardı qalt jibermeuge küş saldı.

Portalımızdıñ ağılşın redakciyasında Nazerke Süyindikova https://qazaqtimes.com/en/author/15  men Mädina Jälelqızı https://qazaqtimes.com/en/author/14 Qazaqstan men Orta Aziya elderinıñ qoğamdıq sayasi, ekonomikalıq, äleumettik jağdayları turalı aqparat jetkizdi.

“The Qazaq Times” portalınıñ qwrılğanına eki jıl toluına oray, osığan deyin bizge senim artqan twraqtı oqırmandarımızğa alğısımızdı bildiremiz. Äri, aldağı uaqıtta da jahandıq jäne el işiniñ jağdaylarına birge nazar audaramız dep senemiz.

“The Qazaq Times”