«The Qazaq Times» اقپاراتتىق، قوعامدىق-ساياسي پورتالىنا ەكى جىل.

ارينە، تۇتاس قازاق ءتىلدى اقپارات كەڭىستىگىنەن الىپ قاراعاندا ەكى جىل كوپ ۋاقىت ەمەس. دەي تۇرعانمەن، قازاق باق-نا بار ۇلەسىمىزدى قوسۋعا تىرىستىق. ءوز ۇستانىمىمىزعا ساي ەشكىمنىڭ تاپسىرماسىن ورىندامادىق جانە رەيتنيگ جارىسىنا دا تۇسپەدىك. قازاق حالقىنا، قازاق مەملەكەتىنە الەمنىڭ ءار تۇكپىرىندە بولىپ جاتقان ءتۇرلى قوعامدىق-ساياسي، الەۋمەتتىك جاعدايلاردى ەش بۇرمالاۋسىز قاز-قالپىندا جەتكىزۋگە كۇش سالدىق.  كەشەگى كەڭەس زامانىنان قالعان الەمگە ورىستىڭ كوزىمەن عانا قارايتىن ءۇردىستى بۇزۋعا تىرىسىپ باقتىق. سول ءۇشىن دە ۇجىمىمىزعا اعىلشىن، قىتاي، ورىس، تۇرىك جانە فرانتسۋز ءتىلىن ەركىن مەڭگەرگەن جۋرناليستەردى توپتاستىردىق.

تاريح بولىپ قالۋعا جاقىن تۇرعان 2018 جىلدا دا جۋرناليستەرىمىز الەمنىڭ ءار قيىرىنداعى ەلەۋلى وقيعالاردى، اۋقىمدى ماسەلەلەردى قازاق قوعامىنا جەتكىزىپ، ولاردىڭ جاھاندىق ۇلى كوشتە كەلە جاتقان قازاقستان سىندى ەلىمىزگە تيگىزەتىن وڭ نەمەسە تەرىس ىقپالدارى تۋرالى جۋرناليستىك ويلارىن جەتكىزىپ وتىردى.

ايتالىق، اقش-قىتاي قارىم قاتىناسى، كورەي تۇبەگىندەگى داعدارىس جانە بەيبىتشىلىك پروتسەسى، ساۋدا سوعىسى، ءۇندى-تىنىق مۇحيت كوشباسشىلىعىنا تالاس، اقش-يران داعدارسى، يدليب داعدارسى، اۋعانستان جاعدايى، جاھاندىق جىلىنۋ جانە كليمات وزگەرىستەرى تۋرالى ەستاي بوجان نازارىنا ۇستاعان بولسا (https://qazaqtimes.com/en/author/4);

اقش كونگرەسى سايلاۋى، Brexit, گەرمانياداعى ميگراتسيا، فرانتسياداعى «سارى جەيدەلىلەر» ەرەۋىلى، ماسكەۋ-كيەۆ تەكەترەسى، ترامپتىڭ ءتۇرلى سانكتسيالارى، مەكسيكاداعى «ميگرانتتار كەرۋەنى»، جاھاندانۋ جاعدايىنداعى جاپونيا سياقتى حالىقارالىق ساياسي احۋالداردى اراي جۇماتاي قاداعالادى. (https://qazaqtimes.com/author/20)

جەر-جاھان جاعداياتتارىنا قوسا، ەل ءىشىننىڭ دە ءتۇرلى ماسەلەلەرىن قالىس قالتىرماۋعا كۇش سالدىق. قاۋىپسىزدىك كەڭەسى، «جاڭا قازاقستان»، قىتاي قازاقتارى ماسەلەسى، ىشكى ىستەر مينيسترلىگىنىڭ رەفورماسى سياقى وزەكتى ماسەلەلەرگە پورتالىمىزدىڭ ءجۋرناليسى ەسداۋلەت قىزىربەكۇلى ۇزدىكسىز نازار سالىپ وتىردى (https://qazaqtimes.com/author/9).

ساعاديەۆتىڭ ءساتسىز رەفورماسى تۋرالى جانە كومۋنالدىق تاريفتەردىڭ ارزانداۋىنىڭ استارى تۋرالى باۋىرجان جاقسىمبەت قالام تەربەپ كەلدى (https://qazaqtimes.com/public/kk/author/23).

ورتالىق ازيا ەلدەرىنىڭ ينتەگراتسياسى، قازاقستاننىڭ يادرولىق قارۋدان باس تارتۋى، ۇلتتىق قوردىڭ حال-احۋالى، ەل ءىش ەكونوميكاسى تۋرالى مارجان نۇسىپبەك https://qazaqtimes.com/en/author/10, كۇرد قارۋلى كۇشتەرى، تۇرىك پارلامەنتى مەن پرەزيدەنتى تۋرالى، اراب بىرىككەن امىرلىگى مەن ساۋد ارابياسى، تاياۋ-ورتا شىعىس ماسەلەسى، يزرايىل-پالەستين شينەلىسى تۋرالى نۇرگۇل جامبىلقىزى (https://qazaqtimes.com/author/17) جاڭالىقتاردى قالت جىبەرمەۋگە كۇش سالدى.

پورتالىمىزدىڭ اعىلشىن رەداكتسياسىندا نازەركە سۇيىندىكوۆا https://qazaqtimes.com/en/author/15  مەن ءمادينا جالەلقىزى https://qazaqtimes.com/en/author/14 قازاقستان مەن ورتا ازيا ەلدەرىنىڭ قوعامدىق ساياسي، ەكونوميكالىق، الەۋمەتتىك جاعدايلارى تۋرالى اقپارات جەتكىزدى.

“The Qazaq Times” پورتالىنىڭ قۇرىلعانىنا ەكى جىل تولۋىنا وراي، وسىعان دەيىن بىزگە سەنىم ارتقان تۇراقتى وقىرماندارىمىزعا العىسىمىزدى بىلدىرەمىز. ءارى، الداعى ۋاقىتتا دا جاھاندىق جانە ەل ءىشىنىڭ جاعدايلارىنا بىرگە نازار اۋدارامىز دەپ سەنەمىز.

“The Qazaq Times”