Andrey Karpoviç. Foto: Zakon.kz

Biıl «Qayrat» klubına el kubogın alıp bergen maman Andrey Karpoviç almatılıq wjım sapınan ketti. Bwl turalı Karpoviç öz swhbatında aytqan.

Onıñ aytuınşa, «Qayrat» basşılığı Andreydiñ klub qwrılımında qaluın jäne bapkerler ştabına kiruin qalap, wsınıs jasağan. Alayda maman bwl wsınısqa qarsılıq tanıtqan. Mausım aralıq üzilis kezinde komandağa 30 jastağı belorusiyalıq maman Aleksey Şpilevskiy bas bapker bolıp kelgen edi.

«Basşılıq tarapınan wsınıs boldı. Biraq jeke sebepterge baylanıstı men bas tarttım. Qazirgi jağdayda meniñ «Qayratqa» tigizer paydam şamalı. Bwl jerde qalu turalı eş män-mağına körip twrğan joqpın. Futbolğa degen közqarastan bastap, oyın filosofiyası jayında oy-pikirimiz tüyise qoymaydı. Bapkerlikti endi bastap kele jatqan maman retinde ösu kerek» depti Karpoviç.

37 jastağı Karpoviç «Qayrattıñ» bapkerler qwramına 2017 jıldıñ mamır ayında kirgen. Osı mausımda bas bapker Karlos Alos Ferrer qızmetten ketkennen keyin bas bapkerdiñ mindetin atqaru Karpoviçke jüktelgen edi. Onıñ basşılığımen komanda prem'er-ligada bes kezdesu ötkizip, Qazaqstan kubogın jeñip aldı.

Qazirgi tañda Andrey kökşetaulıq «Oqjetpes» klubına bas bapker bolıp baradı degen sıbıs bar. Kökşelik komanda birinşi ligadan biıl ğana prem'er-ligağa oralğan.

Karpoviç – Semey futbolınıñ tülegi. Är jıldarı «Elimay», «Ertis», «Qayrat» klubtarında oynadı. 2002-2003 jıldarı reseylik «Rostov» sapında da öner körsetti. Wlttıq qwramada da tabıstı oynadı. 54 matçqa qatısıp, üş märte mergendigimen tanıldı. Sonıñ biri 2006 jılı Älem çempionatına irikteu oyındarı ayasında Ukraina qaqpasına soqqan golı. Bwl – Qazaqstan qwramasınıñ UEFA qwramına kirgennen keyingi alğaşqı tarihi golı edi.

"The Qazaq Times"