Beybit Atamqwlov. Foto: otyrar.kz

Qazaqstan Respublikasınıñ Sırtqı ister ministri bolıp Beybit Atamqwlov saylandı. Bwl turalı ministrliktiñ resmi saytı habarladı.

Vedomstvonıñ jaña basşısın QR prezidenti äkimşiliginiñ basşısı Äset Isekeşev tanıstırdı. Al osığan deyin SİM qızmetin atqarğan Qayrat Äbdirahmanov basqa jwmısqa auısuına baylanıstı qızmetinen bosatılğan.

Ayta keteyik, Beybit Atamqwlov 1991-2006 jıldar aralığında kommerciyalıq qwrılımdarda basşılıq qızmetter atqardı.

2006-2012 jıldarı diplomatiyalıq qızmette boldı. Qazaqstan Respublikasınıñ Malayziyadağı Tötenşe jäne ökiletti elşisi, Qazaqstan Respublikasınıñ Indoneziya Respublikasındağı, Bruney-Darussalamdağı, Filippin Respublikasındağı Tötenşe jäne ökiletti elşisi mindetin qosa atqaruşı bolıp tağayındalğan.

2012 jılğı qazannan Qazaqstan Respublikası Industriya jäne jaña tehnologiyalar ministrliginiñ jauaptı hatşısı, 2014 jılğı tamızdan Qazaqstan Respublikası Investiciyalar jäne damu ministrliginiñ jauaptı hatşısı bolğan. Sonday-aq Oñtüstik Qazaqstan oblısınıñ äkimi, Qazaqstan Respublikasınıñ Qorğanıs jäne aeroğarış önerkäsibi ministri bolğan.

"The Qazaq Times"