قر سىرتقى ىستەر ءمينيسترى اۋىستى

قازاقستان رەسپۋبليكاسىنىڭ سىرتقى ىستەر ءمينيسترى بولىپ بەيبىت اتامقۇلوۆ سايلاندى. بۇل تۋرالى مينيسترلىكتىڭ رەسمي سايتى حابارلادى.

ۆەدومستۆونىڭ جاڭا باسشىسىن قر پرەزيدەنتى اكىمشىلىگىنىڭ باسشىسى اسەت يسەكەشەۆ تانىستىردى. ال وسىعان دەيىن ءسىم قىزمەتىن اتقارعان قايرات ءابدىراحمانوۆ باسقا جۇمىسقا اۋىسۋىنا بايلانىستى قىزمەتىنەن بوساتىلعان.

ايتا كەتەيىك، بەيبىت اتامقۇلوۆ 1991-2006 جىلدار ارالىعىندا كوممەرتسيالىق قۇرىلىمداردا باسشىلىق قىزمەتتەر اتقاردى.

2006-2012 جىلدارى ديپلوماتيالىق قىزمەتتە بولدى. قازاقستان رەسپۋبليكاسىنىڭ مالايزياداعى توتەنشە جانە وكىلەتتى ەلشىسى، قازاقستان رەسپۋبليكاسىنىڭ يندونەزيا رەسپۋبليكاسىنداعى، برۋنەي-دارۋسسالامداعى، فيليپپين رەسپۋبليكاسىنداعى توتەنشە جانە وكىلەتتى ەلشىسى مىندەتىن قوسا اتقارۋشى بولىپ تاعايىندالعان.

2012 جىلعى قازاننان قازاقستان رەسپۋبليكاسى يندۋستريا جانە جاڭا تەحنولوگيالار مينيسترلىگىنىڭ جاۋاپتى حاتشىسى، 2014 جىلعى تامىزدان قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ جاۋاپتى حاتشىسى بولعان. سونداي-اق وڭتۇستىك قازاقستان وبلىسىنىڭ اكىمى، قازاقستان رەسپۋبليكاسىنىڭ قورعانىس جانە اەروعارىش ونەركاسىبى ءمينيسترى بولعان.

"The Qazaq Times"