Germaniya Qıtayda twtqındalğan kanadalıqtarğa alañdauşılıq. Foto: VOA.

Germaniya ükimeti jeksenbi küni mälimdeme jasap, Qıtayda twtqındalğan kanadalıqtar turalı alañdauşılıq bildirdi. Sodan bir kün bwrın Kanada ükimeti Europalıq Odaqtı Qıtayda twtqındalğan azamattarın bosatu turalı talabın qoldauğa şaqırğan bolatın.

Germaniya Sırtqı ister ministrligi öz mälimdemesinde, kanadalıq bwrınğı diplomat Kañ Miñkay men biznes-keñesşisi Maykl Sparvelldiñ isine erekşe nazar audarıp otırğanın aytqan.

«Biz Qıtayda twtqındalğan kanadalıq eki azamattıñ isinde sayasi astar bar boluı mümkin dep alañdaymız. Biz qatıstı ükimetterdiñ zañğa bağınuın, erejelerdi tolıq saqtauın ükimet etemiz», – degen nemis Sırtqı ister ministrliginiñ mälimdemesinde.

Senbi küni mälimdeme jasağan Kanadanıñ SİM basşısı Krstia Friland: «Qıtay ükimetiniñ kanadalıq birneşe azamattı twtqındau tek Kanadanıñ  ğana isi emes», – degen bolatın. Ol Qıtay tarabın tağı bir ret Kanadalıq azamattardı bosatuğa şaqırdı jäne Kanadanıñ odaqtastarın bwl iske nazar audaruğa şaqırdı.

«Bwl bizdiñ barlıq odaqtastarımızdıñ köñil böluge tiisti isi. Biz bwl mäseleni barlıq odaqtastarımızben jäne bükil älemdegi serikterimizben talqılap kele jatırmız», – dedi Friland hanım.

“The Qazaq  Times”