گەرمانيا ۇكىمەتى جەكسەنبى كۇنى مالىمدەمە جاساپ، قىتايدا تۇتقىندالعان كانادالىقتار تۋرالى الاڭداۋشىلىق ءبىلدىردى. سودان ءبىر كۇن بۇرىن كانادا ۇكىمەتى ەۋروپالىق وداقتى قىتايدا تۇتقىندالعان ازاماتتارىن بوساتۋ تۋرالى تالابىن قولداۋعا شاقىرعان بولاتىن.

گەرمانيا سىرتقى ىستەر مينيسترلىگى ءوز مالىمدەمەسىندە، كانادالىق بۇرىنعى ديپلومات كاڭ ميڭكاي مەن بيزنەس-كەڭەسشىسى مايكل سپارۆەللدىڭ ىسىنە ەرەكشە نازار اۋدارىپ وتىرعانىن ايتقان.

«ءبىز قىتايدا تۇتقىندالعان كانادالىق ەكى ازاماتتىڭ ىسىندە ساياسي استار بار بولۋى مۇمكىن دەپ الاڭدايمىز. ءبىز قاتىستى ۇكىمەتتەردىڭ زاڭعا باعىنۋىن، ەرەجەلەردى تولىق ساقتاۋىن ۇكىمەت ەتەمىز»، – دەگەن نەمىس سىرتقى ىستەر مينيسترلىگىنىڭ مالىمدەمەسىندە.

سەنبى كۇنى مالىمدەمە جاساعان كانادانىڭ ءسىم باسشىسى كرستيا فريلاند: «قىتاي ۇكىمەتىنىڭ كانادالىق بىرنەشە ازاماتتى تۇتقىنداۋ تەك كانادانىڭ  عانا ءىسى ەمەس»، – دەگەن بولاتىن. ول قىتاي تارابىن تاعى ءبىر رەت كانادالىق ازاماتتاردى بوساتۋعا شاقىردى جانە كانادانىڭ وداقتاستارىن بۇل ىسكە نازار اۋدارۋعا شاقىردى.

«بۇل ءبىزدىڭ بارلىق وداقتاستارىمىزدىڭ كوڭىل بولۋگە ءتيىستى ءىسى. ءبىز بۇل ماسەلەنى بارلىق وداقتاستارىمىزبەن جانە بۇكىل الەمدەگى سەرىكتەرىمىزبەن تالقىلاپ كەلە جاتىرمىز»، – دەدى فريلاند حانىم.

“The Qazaq  Times”