![](https://qazaqtimes.com/kk/content/uploads/2018/12/104904049_edb90dd3-7718-429b-824a-528193858e93-800x480.jpg?token=c5f6be680a22a3805fc113f5295dcfd5)
Bwğan deyin AQŞ qorğanıs ministriniñ orınbasarlıq qızmetin ötke kelgen Patrik Şanahan 2019 jıldıñ alğaşqı küninen bastap Pentagonnıñ basşısı retinde qızmet atqara bastaydı. Esteriñizde bolsa, Pentagon basşısı Jeyms Mettis ötken jwma küni prezident Tramppen közqarası säykes kelmegenin aytıp, qızmetten bas tartatının mälimdegen bolatın.
Jaña qorğanıs ministri turalı AQŞ prezidenti öziniñ «Tvitter» paraqşası arqılı mälimdedi. Tramp: «Bizdiñ qorğanıs ministriniñ talanttı orınbasarı Patrik Şanahan 1 qañtardan bastap qorğanıs ministri qızmetin atqara bastaytının quana otırıp mälimdeymin. Patirk ministrdiñ orınbasarı bolıp istep twrğan kezinde tabıstı qızmetimen közge tüsken bolatın», – dedi «Tvitterdegi» mälimdemesinde.
Osığan deyin Pentagondı basqarıp kelgen Jeyms Mettis ötken aptada közqarastağı qayşılıq üşin prezident Tramptan öz otstavkasın talap etip hat joldağan edi. Bwdan bwrın prezident Tramp Süriyadan AQŞ äskerlerin şığarıp äketu turalı şeşim şığarğan bolatın.
AQŞ jäne özge de älem elderiniñ aqparat qwraldarı Mettistiñ qızmetten ketuin Tramp ükimetiniñ Auğanstan men Süriyadağı äsker şegindiru şeşimderine tikeley qatıstı degen pikirler aytıladı. Sebebi, Jeyms Metts hatında: «Meniñ wstanğan negizgi senimderimniñ biri – el retinde bizdiñ küş-quatımız unikaldı jäne barlığın qamtığan ıntımaqtastıq pen odaqtastarımızda. Biz quattı al'yanstardı qoldamay twrıp, odaqtastarımızdı sıylamay twrıp özimizdiñ müddeni qorğay almaymız. Aytalıq, Qıtay men Resey özderiniñ avtoritarlıq modeline say kelgen älemdi qwrğısı keledi... Osı jäne özge de köptegen mäselelerde közqarastarıñız säykes kelgen qorğanıs ministrin tağayındauğa sizdiñ qwqığıñız bar. Sondıqtan, men qızmetten ketu turalı şeşim qabıldadım», – dep jazğan Jeyms öz hatında.
Alayda, Mettistiñ otstavkağa ketui Uaşington biligi ökilderi arasında küşti dümpu tudırdı. AQŞ biligindegi respublikaşıldar da demokrattar da general Mettistiñ iskerligin joğarı bağalaydı. Tipti, keybir lauazımdılar Mettistiñ qızmetten ketui AQŞ qorğanısı üşin orınsız şığın dep qaraydı.