Belgisiz hakerler EO elderiniñ diplomatiyalıq arnalarına şabulı jasağan. Foto: YBCN

Batıs aqparat qwraldarınıñ keşegi habarına qarağanda, belgisiz hakerler tobı Europa Odağına müşe elderiniñ baylanıs arnaların talqandap kirip, ondağı diplomatiyalıq hattardı köp jıldar boyı oqıp, jariyalap kelgeni mälim boldı. Hakerler jağınan AQŞ, Resey jäne Qıtay sayasatı nemese sol elderdiñ liderleri turalı jazılğan hattar köbirek wrlanğan.

AQŞ-tağı The New York Times basılımınıñ aytuınşa, diplomatiyalıq hattardıñ wrlanıp jatqanın kiber-qauipsizdik qızmetin atqarıp otırğan kompaniya anıqtap şıqqan. Atalğan kompaniyanıñ mälimetine süyensek, wrlanğan hattardıñ köp bölegi Resey turalı, aytalıq Putin men Tramptıñ Hel'sinkide ötken kezdesuine qatıstı hattar ekenin aytadı.

Hakerler wrlağan hattardıñ endi birqatarı EO elderiniñ lauazımdı twlğaları men Qıtay basşısı Şi Jinpiñ arasındağı hat-habar, pikir almasu, oy-pikir bölisken diplomatiyalıq jazbalar. Bwl hattardıñ birinde Qıtay basşısı Tramptıñ Beyjiñge qaratqan sauda soğısın sınap, minegeni de aytıladı.

Amerikalıq basılım EO elderiniñ diplomatiyalıq hattarına qol salğan jeli wrılarınıñ jwmıs täsili Qıtay armiyasınıñ kiber-şabuıl täsilderine wqsap ketetinin aytadı. Europalıq elderdiñ barınşa qorğalğan arnalarınan hattardı wrlap alıp, onı hakerler aşqan sayttarda jariyalap twrğan.

Hakerlik şabuıldardan älem elderi, halıqaralıq wyımdar, tipti Birikken Wlttar Wyımı da zardap şegip jatqanı aytıladı.

“The Qazaq Times”