BJZQ qarjısı «QazAgro» holdingine berildi.

Wlttıq Bank baspasöz qızmeti taratqan mälimet boyınşa, Birıñğay jinaqtauşı zeynetaqı qorınıñ 450 milliard teñge qarjısı «QazAgro» holdingine investiciya retinde salınğan.

«QazAgro» memlekettiñ industrialdı damu jobası ayasında auılşaruaşılığı önerkäsipterin damıtu bağıtı boyınşa jwmıs istep jatqan negizgi institut. «QazAgronıñ» negizgi akcioneri Auılşaruaşılığı ministrligi. Holding halıqaralıq reytingtik agenttikterden joğarı bağa alğan jäne qwndı qağazdar narığında senimdi qarız aluşılar qatarında. «Fitch Ratings» agenttiginiñ şkalası boyınşa, «QazAgro» wzaq merzimge nesie alu reytinginde «VVV-» satısında. 2018 jıldıñ 1 qazan ayındağı esep boyınşa, holdingtiñ jeke qarjı aktivteri 244,9 milliard teñgege teñ» - delingen Wlttıq Bank taratqan mälimdemede.

Esteriñizge salayıq, 2014 jıldıñ qazan ayında Birıñğay jinaqtauşı zaynetaqı qorınıñ 250million dollar qarjısı Äzirbayjan Halıqaralıq Bankine investiciya retinde salınğan. Keyinnen atalmış bank öziniñ bankrot ekendigin mälimdep, 2017 jıldıñ mamır ayınıñ 11-i küni N'yu-York sotına özderin bankrot dep tanudı swrap ötiniş jibergen. Osıdan keyin BAQ betterinde «BJZQ qarjısın elge kim qaytaradı?» - degen swraq qızu talqılanğan. Aqır soñında Äzirbayjan tarapı BJZQ qarjısın 2032 jılğa deyin qaytaratının mälimdegen.

"The Qazaq Times"