«Soltüstik ağıs – 2». Foto: kommersant.ru

Europalıq Odaq elderi Germaniya men Resey arasına salınatın «Soltüstik ağıs – 2» gaz qwbırınıñ qwrılısın jalğastırmau jaylı wsınıs bildirdi.

Atalğan jobanı Europarlament ökilderi ekonomikalıq jağdayğa bağıttalmağan «sayasi kelisim» dep atap, qwrılıstı toqtatu turalı arnayı qarar şığardı. Qararda gaz qwbırınıñ Ukraina aymağı men osı elden gaz alıp otırğan Europa elderiniñ qauipsizdigine qauipti ekendigi jazlığan. Dauıs beru barısında bwl wsınısqa 433 deputat qoldau bildirip, jüzge juığı qarsı bolğan. Osığan oray Germaniya HDS partiyasınıñ Bas hatşısı Annegret Kramp-Karrenbauer «ARD» telearnasınıñ efirinde qwrılıstı toqtatu arqılı Germaniya Reseyge qarsı qatañ poziciya wstanuı tiis dep mälimdedi.

«Soltüstik ağıs – 2» qwbırı Reseyde öndirilgen tabiği gazdı Ukraina men Pol'şa jerinen aynalıp ötip, Baltıq teñiziniñ tabanı arqılı Batıs Europağa jetkiziledi. Qwnı 11 mlrd dollar bolatın qwrılıs 2019 jılı ayaqtalsa, Europağa jılına 55 milliard tekşe metr gaz baradı dep josparlanğan.

Jalpı alğanda, AQŞ, Ukraina jäne Şığıs pen Ortalıq Europa elderi qwbır qwrılısınıñ jalğasuına tübegeyli qarsı, öytkeni bwl öz aumağı arqılı Resey gazınıñ tranziti üşin salıq ala almaytın Ukrainağa köp kölemde ziyan keltiredi. Uaşington bwl gaz qwbırı aldağı on jıldıqtarda Germaniyanıñ Reseyge energetikalıq täueldiligin arttıradı dep sanaydı. Osığan deyin eki el arasındağı «Soltüstik ağıs – 2» jobasın toqtatu arqılı Germaniya tarapı Reseyge qarsı qısım körsetudi josparlaytının aytqan bolatın. Atap aytqanda, Resey Ukrainanıñ üş kemesin basıp alğan Kerç' bwğazındağı oqiğalarğa baylanıstı «Soltüstik ağıs – 2» gaz qwbırına baylanıstı kelisimdi qayta qaraudı wsındı.

"The Qazaq Times"