«Bayden biligi kezinde de EO men AQŞ baylanısı nığaymaydı»

Djozef Baydenniñ memleket basşısı lauazımına keluimen Euroodaq pen AQŞ arasındağı kelispeuşilikter joyılmaydı, biraq jaña kelisimderge qol jetkizuge boladı. Bwl turalı Europalıq Keñestiñ basşısı Çarl'z Mişel' mälimdedi.

«Amerika men Europalıq odaq baylanısında birqatar mäseleler bar jäne mwnı az uaqıt işinde retteu qiın. Bärimizge belgili, Amerika özgerip, älem de özgerdi. Europalıq odaq ta özgerui mümkin. EO eşkimnen öz şeşimderin qabıldauğa rwqsat swramauı kerek. Endigi kezekte jaña prezident qızmetine kirise salısımen, mınaday wsınıs aytamın: küşti Amerika, küşti Europalıq odaq jäne jaqsı älem üşin jaña baylanıstar ornatayıq!» – dedi Çarl'z Mişel'.

Resmi ökildiñ pikirinşe, aldağı uaqıtta Europa men AQŞ klimattıq özgerister men koronavirustıñ taraluına qarsı küres, cifrlıq transformaciya jäne qauipsizdik salaları boyınşa ıntımaqtastıq ornata aladı.

AQŞ –ta prezidenttik saylau ötken jıldıñ 3 qaraşasında ötti. 14 jeltoqsanda saylau alqası dauıs beru nätijelerin bekitti. Oğan säykes demokrat Djozef Bayden jeñiske jetti.

Aq üydiñ qazirgi basşısı Donal'd Tramp jeñilisti moyındamadı jäne birqatar Ştattardağı saylauşılardıñ dauıstarın qayta sanaudı talap etti. Alayda, onıñ talaptarın sot organdarı, AQŞ Joğarğı Sotı qabıldağan joq.

Senat pen Kongress Ökilder palatası 6 qañtarda birlesken otırısta Baydenniñ jeñisin maqwldadı, onıñ inauguraciyası 20 qañtarda Vaşingtondağı Kapitoliyde ötedi.

"The Qazaq Times"