Huawei kompaniyasınıñ atqaruşı direktorı Kanadada twtqındalğan bolatın. Foto: Syracuse.com.

Särsenbi küni, Kanadanıñ sırtqı ister ministri Hristya Friland Ottavada baspasöz mäjilisin ötkizdi. Baspasöz jiınında Friland Kanada men AQŞ arasındağı ekstradiciyalau şartı jöninde jäne AQŞ-tıñ talabı boyınşa Kanadada twtqındalğan Huawei kompaniyasınıñ atqaruşı direktorı Mıñ Uanjou men kanadalıq bwrınğı diplomat Mihail Kovrigtiñ isi jöninde jurnalisterdiñ swraqtarına jauap berdi.

Kanadanıñ sırtqı ister ministri Friland hanım. Foto: Unian.

Friland hanımnıñ mälimdemesinen, Kanadanıñ Sırtqı ister ministrligindegi qızmetinen bwsağannan keyin Halıqaralıq dağdarıs jönindegi wyımda jwmıs istep jatqan Kañ Miñkaydıñ Qıtay ükimeti jağınan twtqındalğanı belgili boldı. Bwl mäsele Kanada ükimetiniñ alañdauşılığın tuğızıp otır.

Kanadanıñ SİM basşısı tağı bir kanadalıq azamattıñ Qıtayda iz-tüssiz joğalıp ketkenin mälimdedi. «Biz bir kanadalıq azamattıñ Qıtay biliginiñ swrağınan keyin bizge habarlasqanın bilemiz. Biraq, odan keyin ol habarsız ketti», – dedi Friland hanım. Onıñ aytuınşa, qazir Kanada ükimeti osı azamattı izdestiru üstinde jäne bwl turalı Qıtay ükimetine de öz talaptarın joldağan.

Friland joğalğan azamattıñ jeke bastıq informaciyaları aytıp beruden bas tarttı. Kanada Sırtqı ister ministrligi Mıñ Uanjoudıñ twtqındaluınan bwrın el azamattarına jariyalağan Qıtayğa sapar jasauda «qırğı bolu» turalı eskertudiñ äli de öz küşine ie ekenin ayttı.

Kañ Miñkaydıñ twtqındaluı Kanadada Huawei kompaniyasınıñ atqaruşı direktorı Mıñ Uanjoudıñ twtqındaluınan keyin orın aldı. Mıñ Uanjou qamauğa alınğan kezde Qıtay ükimeti bwnıñ zardabı auır bolatının eskertken edi. Qwrama Ştat tarabı Mıñ Uanjoudı AQŞ-tıñ Iranğa qarsı sankciyalarınan jaltaru maqsatında alayaqtıqpen aynalıstı dep ayıptadı. Degenmen, qıtaylıq tehnologiya kompaniyasınıñ atqaruşı direktorı 11 jeltoqsanda kepildikpen bosatılğan bolatın.

AQŞ  prezidenti Donal'd Tramp bwl turalı jasağan mälimdemesinde, eger wlttıq qauipsizdik müddesine paydalı bolsa nemese AQŞ-Qıtay sauda kelisimderine oñ ıqpal jasaytın bolsa Mıñ Uanjoudıñ isine aralasuı mümkin ekenin ayttı. Alayda, keşegi baspasöz jiınında Kanada SİM basşısı bwl is Kanada zañı boyınşa birjaqtı etiletinin atap körsetti.

“The Qazaq Times”