Franciyadağı ereuil: Makron uädesinde twra ma?

Franciya prezidenti Emmanuel' Makron halıqqa ündeu joldap, ekonomikalıq rejim jariyalaytının ayttı.

Europe1 radiosınıñ habarlauınşa, Franciya prezidenti mamırdan bastap barlıq eñbek jalaqısına kem degende 100 euro qosılatındığına uäde berdi. Sonday-aq, dağdarıs kezinde onı erkin basıp ötu üşin ärbir kompaniya özderiniñ qızmetkerlerine jıldıq bonus töleui tiis. Osılayşa, Franciya ükimeti halıq talabın eskeretinin bildirdi. Degenmen, francuz halqınıñ biraz böligi Makronnıñ uädesine senim bildire qoymadı.

Prezident Makron 2019 jıldan bastap Franciya ekonomikası bwrınğıdan nığayıp, jwmıs beruşilerge jıl soñında qızmetkerlerige sıyaqı töleudi mindettep, zeynetkerler men azamattarğa qosımşa tabıs salığın alıp tastaytının mälimdedi. Teleköpir arqılı halıqqa tikeley ündeu joldağan Makron qazirgi jağdaydıñ endi qaytalanbaytınına, bilik halıqtıñ mwñ-mwqtajına bey-jay qaramaytının da ayttı. Osıdan keyin OpinionWay kompaniyası  991 adamnıñ arasında arnayı saualnama jürgizip, twrğındardıñ prezidentke senim bildire qoymaytının anıqtadı. Saualnamağa qatısuşılardıñ 50%-ı prezidenttiñ sözine mülde senbeymiz dese, 49%-ı ündeudi jaqsı jağınan qabıldağan. Swrau salğandardıñ 78%-ğa juığı Makron wsınğan şaralar «sarı jeydeliler» qozğalısın tübegeyli toqtata aladı degen. Al 45%-ı narazılıq akciyası jalğasu qajet degendi alğa tartadı. Osı rette «Sarı jeydeliler» qozğalısınıñ ökili Karl Tokar: «Prezidenttiñ aytqanı tüsiniksiz. Makron tömengi jalaqığa 100 euro qosamın deydi. Bwl tipten az. Sebebi onıñ üstine tağı salıq salınıp, jalaqığa 80 euro mölşerinde ğana qosıladı. Prezidenttiñ ündeuin tıñdauğa jinaldıq. Biraq, Makron eşbirimizdi sendire almadı», – deydi.

Bir ayğa sozılğan ereuil el qazınasına köp mölşerde şığın äkelip, turisterdiñ legi bäseñdegen. Ötken aptada Makron Ükimettiñ şwğıl otırısın ötkizip, janarmay bağasına moratoriy jariyalau turalı bwyrıq bergen bolatın. Soğan qaramastan narazılıq akciyaları qayta jalğastı. Key sarapşılardıñ pikirinşe, aldağı jılı Franciyanı dağdarıs kütip twr. Sonday-aq, Franciya biligine «tıñ serpin» äkelgen Emmanuel' Makron uädesiniñ tolıqtay jüzege asuı ekitalay. Solay bolğan künniñ özinde, ekonomikanı qayta qalpına keltiru üşin küş salu kerek.
17 qaraşadan beri Franciyada janarmay akcizin köteruge qarsılıq akciyaları ötip jatır. Key aymaqtarda şerudiñ soñı tärtipsizdikke wlasıp, bes jüzden astam adam wstaldı. Oqiğadan soñ Parijdegi Saltanat qaqpası audanında policiya janarmay salığın köbeytuge qarsılıq bildirip şeruge şıqqan narazılardı toqtatu üşin pirotehnikalıq granattar qoldanğan. Franciya ükimetiniñ aqparatı boyınşa, jalpı el köleminde şeruge qatısuşılardıñ sanı 36 mıñ adamğa jetken. Al Parijde şeruge bes jarım mıñ adam şıqqan. «Sarı jeydelilerdiñ» tolquına qatıstı Makron qazirgi qiındıqtıñ negizgi bası osıdan 40 jıl bwrınğı biliktiñ qate şeşimderinen keyin bastalğanın jäne qazirgi janarmay salığınıñ tım qımbattauınıñ tarihı da tım tereñde jatqandığın ayttı.

"The Qazaq Times"