AQŞ senatı Saud Arabiyasınıñ taq mwragerin jazalaudı talap etti

AQŞ senatı Saud Arabiyasınıñ taq mwrageri Mwhammed bin Salmandı jurnalist Jamal Haşoggidiñ ölimine tikeley qatısı bar dep resmi türde mälimdeui mümkin. Bwl turalı Washington Post habarlap otır.

Basılım aqparatına süyensek, AQŞ senatınıñ işki sayasat basqarmasınıñ basşısı Bob Korker taq mwrageriniñ bwl iske jauap beretindigin aşıq türde aytqan. Sonımen qatar, Er-Riyadtıñ agressiyalıq sayasatın toqtatıp, Parsı bwğazı men Yemen men Katardağı adam qwqığın bwzğandardı da jazalau kerektigin jariya etti.

Bwdan bölek atalğan qwjat işinde Saudiya basşısın kinäsiz dep tanığan AQŞ prezidenti Donal'd Tramptıñ da minezine baylanıstı toqtamdar körsetilgen. CRU-dıñ aqparatın bwrmalap, Kongress işinde jağımsız beynede qalğan basşığa büginde öz senat müşeleri de qarsı şığıp otır.

Esteriñizge sala keteyik, qazan ayında saudiyalıq jurnalist Jamal Haşoggi Stambuldağı Saud Arabiyasınıñ konsuldığına kirgennen keyin joğalıp ketken. Arada birneşe kün ötkennen keyin, onı sol mezette buındırıp öltirip, denesin bölşektep tastağandığı anıqtaldı. Washington Post basılımında belsendi jwmıstar atqarğan jurnalistiñ isinen Türkiya biligi ädil şeşim şığuın kütip otır. Sonday-aq Er-Riyadtan kinäli adamdardıñ tizimin berudi de talap etude.

“The Qazaq Times”