اقش سەناتى ساۋد ارابياسىنىڭ تاق مۇراگەرىن جازالاۋدى تالاپ ەتتى

اقش سەناتى ساۋد ارابياسىنىڭ تاق مۇراگەرى مۇحاممەد بين سالماندى جۋرناليست جامال حاشوگگيدىڭ ولىمىنە تىكەلەي قاتىسى بار دەپ رەسمي تۇردە مالىمدەۋى مۇمكىن. بۇل تۋرالى Washington Post حابارلاپ وتىر.

باسىلىم اقپاراتىنا سۇيەنسەك، اقش سەناتىنىڭ ىشكى ساياسات باسقارماسىنىڭ باسشىسى بوب كوركەر تاق مۇراگەرىنىڭ بۇل ىسكە جاۋاپ بەرەتىندىگىن اشىق تۇردە ايتقان. سونىمەن قاتار، ەر-ريادتىڭ اگرەسسيالىق ساياساتىن توقتاتىپ، پارسى بۇعازى مەن يەمەن مەن كاتارداعى ادام قۇقىعىن بۇزعانداردى دا جازالاۋ كەرەكتىگىن جاريا ەتتى.

بۇدان بولەك اتالعان قۇجات ىشىندە ساۋديا باسشىسىن كىناسىز دەپ تانىعان اقش پرەزيدەنتى دونالد ترامپتىڭ دا مىنەزىنە بايلانىستى توقتامدار كورسەتىلگەن. تسرۋ-دىڭ اقپاراتىن بۇرمالاپ، كونگرەسس ىشىندە جاعىمسىز بەينەدە قالعان باسشىعا بۇگىندە ءوز سەنات مۇشەلەرى دە قارسى شىعىپ وتىر.

ەستەرىڭىزگە سالا كەتەيىك، قازان ايىندا ساۋديالىق جۋرناليست جامال حاشوگگي ستامبۋلداعى ساۋد ارابياسىنىڭ كونسۋلدىعىنا كىرگەننەن كەيىن جوعالىپ كەتكەن. ارادا بىرنەشە كۇن وتكەننەن كەيىن، ونى سول مەزەتتە بۋىندىرىپ ءولتىرىپ، دەنەسىن بولشەكتەپ تاستاعاندىعى انىقتالدى. Washington Post باسىلىمىندا بەلسەندى جۇمىستار اتقارعان ءجۋرناليستىڭ ىسىنەن تۇركيا بيلىگى ءادىل شەشىم شىعۋىن كۇتىپ وتىر. سونداي-اق ەر-ريادتان كىنالى ادامداردىڭ ءتىزىمىن بەرۋدى دە تالاپ ەتۋدە.

“The Qazaq Times”